‘Ammaniyoogaanappe Attin Beꞌiyoogan Deꞌoppite’

Kiitettida PHawuloosi Yerusalaamee doodettanaappe, qassi xayanaappe guuttaa kasetidi Kiristtaaneti Yesuusawu ammanettida wotaaddaradan metoy gakkanaagaa eridi banttawu injje duussaa deꞌanawunne ufayttanawu koyana bessennaagaa yootiis. (2 Xim. 2:3, 4) Xoossaappe haakkida ha alamee xayana haniyo gishshawu, ayyaanaabaa loytti qoppanawu nuuyyo mino ammanoy deꞌana bessees. (2 Qor. 4:18; 5:7) ‘Ammaniyoogaanappe Attin Beꞌiyoogan Deꞌoppite’ giyo biiduwaa beꞌite. (Inglizetto jw.org sayttiyan PUBLICATIONS > VIDEOS giyaagaa giddon xeellite.) Aquwawu daro hirggiyoogee Nahaamanne Abiixaali hayquwawu gaaso gididoogaa akeekite. Hegaa gishshawu, kaallidi deꞌiya oyshata zaaranawu malite.

(1) Koyro xeetu layttan ‘geeshsha sohuwan eqqana bashshaa tunatettay’ aybee, qassi he wode Yerusalaamen deꞌiya Kiristtaaneti sahuwaara ay oottana bessii? (Maa. 24:15, 16) (2) He katamaappe baqatanawu ammanuwaa koshshidoy aybissee? (3) Baqatiya uri he wode ay ay oottana bessii? (4) Nahaaminne Abiixaala baqatanawu ellellibeennay aybissee? (Maa. 24:17, 18) (5) Yerusalaameppe baqatiyo wode Raaheeli ammanuwaa paacciya harabay aybi gakkidee? (Maa. 10:34-37; Mar. 10:29, 30) (6) Etaani mino ammanoy deꞌiyoogaa gidiyoogaaninne Yihoowan ammanettiyoogan waanidi leemiso gidii? (7) Kiristtaaneta Peelan ayba metoy gakkidee? (8) Nahaamanne Abiixaali ammanoy leddan leddan waani shuggidee? (9) Peelan deꞌiya Kiristtaanetuyyo koshshiyaabaa Yihooway waati kunttidee? (Maa. 6:33; 1 Xim. 6:6-8) (10) Ha iita alamee xayana haniyo wodiyan nuuni Abrahaamanne Saaro waani milatana danddayiyoo? (Ibr. 11:8-10) (11) Nahaaminne Abiixaala Yerusalaame simmana koshshees giidi banttana waati ammanttidonaa, eta qofay bala gididoy aybissee? (Luq. 21:21) (12) Nahaaminne Abiixaala Yerusalaame simmiyo wode yan deꞌiya hanotay ay malee? (13) Ha iita alamee xayanaappe kase nuuni nu ammanuwaa haꞌꞌi minttana koshshiyoy aybissee?—Luq. 17:31, 32; 21:34-36.

Ammaniyoogan deꞌiyoogaa giyoogee (1) Yihoowa kaaletuwaa ammanettiyoogaa, (2) a kaaletuwan baanawu koyiyoogaa, qassi (3) aquwaa gidennan ayyaanaabaa xoqqu oottidi xeelliyoogaa giyoogaa. Nuuni, “Ha sa7ainne ha sa7an asi amottiyo ubbabai aadhdhana. SHin Xoossai giidoogaa oottiya urai merinau de7ana” yaagiya qaalaa ammanttiyoogan, ammanuwan deꞌanawu murttidaageeta gidoos.—1 Yoh. 2:17.