Siiqoy Tumu Kiristtaaneta SHaakki Erissees—Uuzettoppa Qassi Yiillotoppa

HEGEE KEEHI KOSHSHIYOY AYBISSEE? Yesuusi siiqoy ba erissiyo ashkkarata shaakki erissiyoogaa yootiis. (Yoh 13:34, 35) Kiristtoosaagaa mala siiquwaa bessanawu, nuuni haratu goꞌꞌaa qoppananne hanqquwaa aggana bessees.—1Qor 13:5.

WAATANA DANDDAYAY?

• Issi asi nena qohiyaabaa haasayikko woy oottikko, hegaadan hanido gaasuwaanne hegaa gishshawu gaada ne oottiyoobay kaalettanabaa takki gaada qoppa.—Lee 19:11

• Nuuni ubbay nagaranchcha gidiyoogaanne guyyeppe zilꞌꞌettiyoobaa issi issitoo haasayiyoogaanne oottiyoogaa hassaya

• Maayettibeennabaa giigissaychcha

‘ISSOY ISSUWAARA SIIQETTITE’—UUZETTOPPITE QASSI YIILLOTOPPITE GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Tooma oyshaa Laari waati zaaridee?

• Toomi takki giidi qoppidoogee yiilluwaa teqqanaadan A waati maaddidee?

• Toomi liiqo qaalaa haasayidoogee ooshshaa waati teqqidee?