Haggaazuwan Kaseegaappe Qara Gidiyoogaa​—Loꞌꞌo Dabddaabbiyaa Xaafiyoogaa

HEGEE KEEHI KOSHSHIYOY AYBISSEE? Koyro Qoronttoosa maxaafay kiitettida PHawuloosi ba mala Kiristtaaneta minttettanawu xaafido 14 dabddaabbetuppe issuwaa. Issi uri dabddaabbiyaa xaafikko, qaalata akeekan dooranawu ayyo wodee deꞌees, dabddaabbee kiitettido uri hegaa zaari zaari nabbabana danddayees. Dabddaabbiyaa xaafiyoogee dabbotussinne nunaara erettiya asawu markkattiyo loꞌꞌo oge. Qassi hegee nuuni gayttidi haasayissana danddayenna asatussi markkattanawu maaddiya oge. Leemisuwawu, issi urawu eranawu koshshay deꞌikkonne, son beettenna asa gidana danddayees. Issoti issoti mintti naagiyo pooqetun, direttida heeratun woy keehi haahosan deꞌiyo gishshawu, eta demmanawu metiya moottan deꞌiyaageeta gidana danddayoosona. Erenna asawu dabddaabbiyaa xaafiyo wode, nuuni hassayana koshshiya amaridabati aybee?

WAATANA DANDDAYIYOO?

• 

  Intte aara gayttiyaakko odanabaa yootite. Dabddaabbiyaa doomettan Intte oonakko yootite; qassi intte xaafiyo gaasuwaa loytti qonccissite. I qoppanaadan issi oyshaa oychchana danddayeeta; yaatidi nu saytiyaa ayyo yootite. Yaatidi, Interneettiyan Geeshsha Maxaafaa Tamaariyoogaa, nuuni Geeshsha Maxaafaa xannaꞌissiyo prograamiyaa xeelliyaagan, woy nuuni xannaꞌissanawu goꞌettiyo maxaafatuppe issuwan deꞌiya amarida huuphe yohota yootite. Xomoosanawu maaddiya karddiyaa, shoobiyaa woraqataa, woy trakttiyaa mala xuufiyaa kiittana danddayeeta

• Qanttan. Intte dabddaabbiyaa kiittiyo uri nabbabiiddi xalalennanadan dabddaabbee adussa gidana koshshenna.—Sinttaa 8n deꞌiya dabddaabbiyaa xeellite

• Dabddaabbiyan bali deꞌiyaakkonne, qassi I nabbabanawu wayssennaakkonne loytti xeellite. Intte qarettiyaageeta, hillanchchanne loꞌꞌobaa qoppiyaageeta gidiyoogaa qonccissiyaakkonne akeekite. Gidiya maatafaa posttan intte wottidoogaa akeekite