Geeshsha Deꞌoynne Wozanappe Bonchchiyoogee Tumaa Dosanaadan Oottees

Machchoti Kiristtaane gididi bessiyo loꞌꞌo eeshshay darotoo eta azinati tumaa ammananaadan maaddees. SHin, hegee daro layttawu metuwaa gencciyoogaa koshshennan aggenna. (1PHe 2:21-23; 3:1, 2) Nena naaqoy gakkiiddi deꞌiyaaba gidikko, iitabaa loꞌꞌoban xooniyoogaa aggoppa. (Roo 12:21) Ne azinay Yihoowaabaa ne yootiyoobaa siyennan aggana danddayees; shin I ne loꞌꞌo eeshshaa beꞌiyo wode, tumaa xeelliyaagan A qofay laamettana danddayees.

Issi allaalliyaa ne aqo laggee xeelliyoogaadan xeellanawu mala. (Pili 2:3, 4) Qarettiyoogaa bessa; qassi neeni machcho gidiyoogaadan, ne oottana bessiya ubbabaa bonchchuwan ootta. Loytta ezgga. (Yaaq 1:19) Danddayanchcha gida; qassi neeni ne aqo laggiyaa siiqiyoogaa yoota. Ne aqo laggee neegaadan neeyyo kehana, qassi nena bonchchana xayikkokka, neeni ammanettiyoogaa Yihooway nashshiyoogaa eriyoogan ufayttana danddayaasa.—1PHe 2:19, 20.

NU TOOHUWAA TOOKKANAADAN YIHOOWAY NUUSSI WOLQQAA IMMEES GIYO BIIDUWAA BEꞌITE; YAATIDI, KAALLIDI DEꞌIYA OYSHATA ZAARITE:

• Koyro heeran Gires Lissi aqo deꞌoy ay malee?

• A Geeshsha Maxaafaa tumaa dosanaadan oottidabay aybee?

• Michchiyaa Li xammaqetta simmada, metota waata gencca aattadee?

• Michchiyaa Li ba azinaa xeelliyaagan woyga woossadee?

• Michchiyaa Li ba geeshsha deꞌuwaanne wozanappe bonchchiyoogaa gaasuwan ayba anjjota demmadee?