Biittay ‘Haattaa Mitti Aggiis’

Asi deꞌido wode ubban, kawotettati dumma dumma wodiyan Yihoowa asaa maaddidosona. (Izi 6:1-12; Ast 8:10-13) Ha wodiyankka, “biittai” hegeekka, dumma dumma biittan deꞌiya bessiyaagaadan qoppiya sunttati Seexaanaa Dabloosa geetettiya ‘miimminttee’ gattiyo yedetaa “haattaa” mittiyoogaa nuuni akeekida. (Ajj 12:16) Yihooway ‘ashshiya Xoossaa’ gidiyo gishshawu, ba asay woppu gaanaadan oottanawu haariyaageeta issi issitoo denttettana danddayees.—Maz 68:20; Lee 21:1.

Gidoppe attin, ne ammanuwaa gaasuwan neeni qashettikko shin? Yihooway nena naagiyoogaa mule siroppa. (Doo 39:21-23; Maz 105:17-20) Ne ammanoy neeni woytuwaa demmanaadan oottanaagaanne, neeni ammanettidaagaa gidada deꞌiyoogee kumetta alamiyan deꞌiya ne ishantta minttettiyoogaa ammanetta.—Pili 1:12-14; Ajj 2:10.

KOORIYAA ISHANTTI QASHSHUWAAPPE BIRSHSHETTIDOSONA, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Tohossa Kooriyan shaꞌan qoodettiya nu ishantti daro layttawu qashettidoy aybissee?

• Amarida ishantti koyro birshshettanaadan oottida pirdda keettay pirddidobay aybee?

• Ha wodiyan bantta ammanuwaa gaasuwan qashettida kumetta saꞌan deꞌiya nu ishantta waati maaddana danddayiyoo?

• Ha wodiyan nuussi deꞌiya ay laꞌatettaa nuuni waati goꞌettana koshshii?

• Pirdda keettan nuuni xoonuwaa demmanaadan oottiday oonee?