Aqo Laggeti Bantta Aqo Deꞌuwaa Waati Minttana Danddayiyoonaa?

Abrahaaminne Saara bantta aqo deꞌuwan issoy issuwaa siiqiyaanne bonchchiya loꞌꞌo leemiso. (Doo 12:11-13; 1PHe 3:6) SHin, eta aqo deꞌoy wottiyoobi baynnaagaa gidenna; qassi eti bantta deꞌuwan daro metota genccidosona. Aqo laggeti Abrahaamanne Saari leemisuwaa pilggiyoogan ay tamaarana danddayiyoonaa?

Issoy issuwaara haasayite. Aqo laggee hanqqettidi woy yiillotidi haasayiyo wode liiqo qaalan zaarite. (Doo 16:5, 6) Issippe wodiyaa aattanawu hanotaa giigissite. Intte haasayiyoobaaninne oottiyooban intte aqo laggiyaa siiqiyoogaa bessite. Ubbaappe aaruwan, issippe xannaꞌiyoogan, woossiyoogaaninne goynniyoogan ubbatoo Yihoowabaa qoppite. (Era 4:12) Mino aqo deꞌoy A Doomissida Yihoowa bonchchissees.

AQO DEꞌUWAA MINTTIYO OGIYAA, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Ha biiduwan, SHaaninne Keera issoy issuwaappe haakki haakki biidoogaa bessiya amarida malaatati aybee?

• Aqo laggeti issoy issuwaara qoncciyan haasayiyoogee keehi koshshiyoy aybissee?

• Abrahaamanne Saari leemisoy SHaananne Keero waati maaddidee?

• SHaaninne Keera bantta aqo deꞌuwaa minttanawu ay oottidonaa?

• Azinaynne machchiya bantta aqo deꞌuwan issoy issuwaa wottiyoobi baynna asadan xeellana koshshennay aybissee?