Daro Layttawu Yihoowawu Haggaazidaageetuppe Ay Tamaarana Danddayay?

Nu gubaaꞌiyan daro layttawu Yihoowawu haggaazidaageeta demmana danddayoos. Eti Yihoowan ammanettido ogiyaappe tamaarana danddayoos. Nuuni eta Yihoowa dirijjitiyaa taarikiyaabaa qassi eta gakkida paacetanne hegeeta xoonanaadan Yihooway eta maaddidoogaabaa oychchana danddayoos. So Asaa Goynuwaa omarssan, etappe issoy ba deꞌuwan hanidabaa yootanaadan shoobbanakka danddayoos.

Neeni daro layttawu Yihoowawu haggaazidaagaa gidikko, yelagatussi ne ammanuwaabaa loytta yoota. Yaaqoobinne Yooseefi Yihooway etawu oottidobaa bantta zaretussi yootidosona. (Doo 48:21, 22; 50:24, 25) Guyyeppe, Yihooway aawati bantta naatussi A wolqqaama oosuwaabaa tamaarissanaadan azaziis. (Zaa 4:9, 10; Maz 78:4-7) Ha wodiyan, yelidaageetinne gubaaꞌiyan deꞌiya harati Yihooway ba dirijjitiyaa baggaara oottido garamissiyaabata yelagatussi yootana danddayoosona.

NU OOSOY TEQETTIDO BIITTAN ISSIPPETETTAA NAAGIDI DEꞌIYOOGAA, GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Nu oosoy teqettido issi issi biittatun deꞌiya ishantta Osttiriyan deꞌiya macara biiroy waati maaddidee?

• He biittan deꞌiya ishantti bantta ammanoy minnidi deꞌanaadan ay oottidonaa?

• Rumaniyan deꞌiya aassiya daroti Yihoowa dirijjitiyaappe shaahettidoy aybissee, qassi waani simmidonaa?

• Ha hanotay ne ammanuwaa waati minttii?