Wozanaa Denttettite

Azazettiyoogee wozanaappe pulttiyaaba. (Lee 3:1) Yaatiyo gishshawu, nuuni tamaarissiyo wode nu yootiyoobaa siyiyaageetu wozanaa denttettanawu baaxetana koshshees. Waatidi?

Intte xinaateta Geeshsha Maxaafaa tumaa xannaꞌissiyoogaa xalla gidennan, eti xannaꞌiyoobay bantta deꞌuwaaranne Yihoowaara dabbotido dabbotaara waani gayttiyaakko akeekanaadan maaddite. Geeshsha Maxaafay yootiyo maarati Xoossaa siiquwaa, A loꞌꞌotettaanne xillotettaa waati qonccissiyaakko eti akeekanaadan maaddite. Eti tamaariyoobaa xeelliyaagan etawu siyettiyaabaa yootanaadan maaddanawu akeekaaninne kehatettan oyshata eta oychchite. Bala qofaa woy bala meeziyaa suurissiyoogaa goꞌꞌaa eti yuushshi qoppanaadan maaddite. Intte xinaateti wozanappe Yihoowa siiqiyoogaa intte beꞌiyo wode, kaseppe aaruwan intte ufayttana.

ERISSIYO ASHKKARA OOTTIYOOGAN UFAYTTITE—KASEPPE QARA GIDITE—WOZANAA DENTTETTITE, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• 

  Niita Jeedo, “Saynno galla nu haasayidoban ne gujjiyo harabay deꞌii?” gaada oychchidoy aybissee?

• 

  Geeshsha Maxaafay yootiyo maarati Yihooway O siiqiyoogaa Jeeda akeekanaadan Niita waata maaddadee?

• 

  Jeeda Xoossaa siiqiyoogaa bessana danddayiyoogaa yuushsha qoppanaadan Niita O waata maaddadee?