KIRISTTAANETI DEꞌIYO DEꞌUWAA

Aggenna Siiquwa Bessiyogan Yihoowa Milata

Yihooway aggenna siiquwa bessiyogan ooppenne aadhdhiya leemiso. (Maz 103:11) Hegaa mala siiqoy guutta wode xallawu siiqidi aggiyogaa gidenna. Aggenna siiqoy merinawu minttidi siiqiyogaa. Yihooway ba asawu Israaꞌeelatussi daro ogetun he siiquwa bessiis. Gibxxe aylletettaappe eta kessidi Hidootaa Biittaa gelissiis. (Maz 105:42-44) I ba asawu olettiis; qassi eta nagaraa darotoo atto giis. (Maz 107:19, 20) Nuuni Yihoowa “aggenna siiquwaa” bessiya oosota loytti akeekiyoogee A leemisuwa kaallanaadan nuna denttettees.—Maz 107:43.

Misiliya: “Yihoowa Aggenna Siiquwaa Bessiya Oosota Loytti Akeekite,” giya biiduwappe ekettidabata. 1. Ishaa Keprinne hara ishay issi michchee soo biidi O minttettoosona. 2. Ishaa Kepri hara ishanttuura issi kifiliyan qashettiis; qassi sahettidi zinˈˈida ishawu guutta qumaa immees.

“YIHOOWA AGGENNA SIIQUWAA BESSIYA OOSOTA LOYTTI AKEEKITE,” GIYA BIIDUWA BEꞌITE; YAATIDI KAALLIDI DEꞌIYA OYSHATA ZAARITE:

Nuuni ayba ogetun aggenna siiquwa bessana danddayiyoo?

Ne zaaruwaa
Aggenna siiquwa bessanawu nu goꞌꞌaa aggibayana koshshiyoy aybissee?

Ne zaaruwaa