Asay Darotoo Oychchiyo Oyshata / Haggaazuwa / Intte Miisoonaawe Oosuwa Ootteetii?

Ee. Nuuni Yihoowa Markkati ubbay awa heeran deꞌikkokka, nunaara gayttiya asawu ubbatoo nu ammanuwabaa yootiyo gishshawu, miisoonaawe oosuwa oottiyageeta gidiyogaa bessoos.—Maatiyoosa 28:19, 20.

Hegaa bollikka, issi issi Yihoowa Markkati Geeshsha Maxaafay yootiyo mishiraachchuwa siyana bessiya daro asay deꞌiyo bantta biittan dumma dumma heeraa biidi markkattoosona. Hara Yihoowa Markkati qassi, kaseegaappe loytti haggaazanawu hara biitti boosona. Eti Yesuusi yootido hiraagay polettanaadan oottiyogan ufayttoosona; I hagaadan giis: “Intte . . . sa7aa gaxaa gakkanaashinkka taassi markkattiyaageeta gidana.”—Oosuwaa 1:8.

Nuuni miisoonaawetuppe amaridaageeta dumma ogiyan loohissanawu 1943n timirtte keettay doommanaadan oottida. He wodeppe doommidi 8,000ppe dariya Yihoowa Markkati, Giiliyade Geeshsha Maxaafaa Timirtte Keettaa geetettiya he timirtte keettan tamaaridosona.