Looxe Machchiyaa Guyye Xeellaasu

LOOXEENNE a soo asay Kanaane biittan Abrahaameera issippe deꞌidosona. Issi gallassi Abrahaamee Looxa hagaadan giis: ‘Hagan biittay nu mehiyau ubbau gidenna. Hayyana, ane shaahettoos. Neeni issi baggi biikko, taani hara baggi baana’ yaagiis.

Looxee biittaa yuuyidi xeelliis. I ba mehiyaassi haattaynne loꞌꞌo maatay daroy deꞌiyo keehi loꞌꞌo sohuwaa beꞌiis. Hegee Yorddaanoosa SHaafay deꞌiyo heeraa. Yaatiyo gishshau, Looxee ba soo asaanne ba mehiyaa ekkidi yaa biis. Wurssettan Sadooma kataman deꞌiyoogaa doommidosona.

Sadooma biittaa asay keehi iita. Looxee loꞌꞌo asa gidiyo gishshau, hegan yiillotiis. Xoossaykka yiillotiis. Wurssettan, Xoossay Sadooma katamaanne matan deꞌiya Gamoora katamaa, eta iita oosuwaa gishshau xayssana haniyoogaa Looxessi yootanaadan naaꞌꞌu kiitanchchata kiittiis.

Kiitanchchati Looxa: ‘Ellella! Ne machchiyonne ne naaꞌꞌu macca naata ekkada hagaappe kiya!’ yaagidosona. Looxeenne a soo asay kiyanau guuttaa gamꞌꞌin, kiitanchchati kushiyaa oyqqidi katamaappe eta kessidosona. Kiitanchchatuppe issoy hagaadan giis: ‘Intte shemppuwau baqatite! Guyye simmidi xeellopite. Intte hayqqennaadan, deriyaakko baqatite’ yaagiis.

Looxeenne a macca naati azazettidi Sadoomappe baqatidosona. Eti guutta wodiyaukka eqqibookkonanne guyye simmidi xeellibookkona. SHin Looxe machchiyaa azazettabuukku. Sadoomappe kiyidi eti guuttasaa bi simmin, a eqqada guyye xeellaasu. Hegaappe, Looxe machchiyaa maxine tuussa gidaggaasu. Ha misiliyan o beꞌay?

Hagaappe loꞌꞌo timirtte demmana danddayoos. Xoossay ashshiyoogeeti ayyo azazattiyaageeta gidiyoogaanne ayyo azazettennaageeti xayanaagaa bessees.