TIMIRTTE 14

Xoossaa Dabboti Iitabaappe Haakkoosona

Seexaanay asay iitabaa oottanaadan paaccees. Xoossaa dabbo gidana koyiya asi Yihooway ixxiyoobaa ixxana bessees. (Mazamure 97:10) Xoossaa dabboti haakkana bessiyobatuppe amaridaageeti kaallidi deꞌiyaageeta:

Yihooway ixxiyo oosotuppe amaridaageeti, shaaramuxiyoogaa, mattottiyoogaa, shahaaraa kesissiyoogaa, kaysotiyoogaa, hanqquwaa suulliyoogaanne ceeriyaa kaaiyoogaa

SHaaramuxiyoogaa. “SHaaramuxoppa.” (Kessaabaa 20:14) Ekkennaninne gelennan inddaa gaytotetta poliyoogeekka bala.—1 Qoronttoosa 6:18.

Mattottiyoogaa. “Mattottiyaageeti . . . Xoossaa kawotettaa laattokkona.”—1 Qoronttoosa 6:10.

SHemppo Woriyoogaanne SHahaara Kesissiyoogaa. “Asa woroppa.”—Kessaabaa 20:13.

Kaysotiyoogaa. “Wuuqqoppa.”—Kessaabaa 20:15.

Worddotiyoogaa. Yihooway “worddotiya inxxarssaa” ixxees.—Leemiso 6:17.

Makkaliyoogaanne Yiiluwaa Teqqenaagaa. “Iitatanne hanttaarabaa siiqiyaageeta” Yihooway keehippe ixxees. (Mazamure 11:5) ‘Asatettaa woy ashuwaa oosuwaappe issoy hanqquwaa.’—Galaatiyaa 5:19, 20.

Ceeriyaa kaaꞌiyoogaa. ‘Ooninnee intte giddoppe miishshaa amottiyaagaa . . . gidikko, intte aara issippe gaittoppite.’—1 Qoronttoosa 5:11.

Zariyaaninne sheeshshan ixettiyoogaa. “Intte morkketa siiqite . . . inttena waissiyaageetuyyookka Xoossaa woossite.”—Maatiyoosa 5:43-45.

Xoossay nuussi yootiyoobay ubbay nu goꞌꞌaassa. Ubbatoo Iitabaappe haakkiyoogee deexiyaaba gidana danddayees. Yihoowappenne a Markkatuppe demmiyo maaduwan, Xoossaa ufayssenna oosuwaa oottiyoogaappe haakkana danddayaasa.—Isiyaasa 48:17; Piliphphisiyuusa 4:13; Ibraawe 10:24, 25.