SHaahuwaa 20

Yesuus Kiristtoosi Hayqqiis

Yesuusi ooratta baalaa essiis; a kaddidi aatti immin kaqettiis

HEEZZU layttanne bagga sabbakoogaappenne tamaarissoogaappe guyyiyan, saꞌan deꞌiyo wodee wuranau matattidoogaa Yesuusi eriis. Ayhuda haymaanootiyaa kaalettiyaageeti a woranau maqettidosona; shin hananabaa yootiyaagaa giidi a ammaniya asay ooshshaa kessees giidi yayyidosona. He wode, Yesuusi kiittido 12tuppe issuwaa, Yihudaa Asqqoroota Seexaanay denttettin, a aattidi immiis. Yihuday Yesuusa aattidi immanaadan haymaanootiyaa kaalettiyaageeti ayyo 30u biraa immidosona.

Ayhudatu Paasikaa Baalaa bonchanau Yesuusi ba kiittidoogeetuura, wurssetta qammi shiiqiis. Yesuusi Yihudaa kessi simmidi, ooratta baalaa, Godaa Kahuwaa essiis. I oyttaa ekkidi woossiis; yaatidi attida 11 kiitettidaageetuyyo immiis. I: “Hagee intteyyo imettida ta ashuwaa; hagan tana hassayite” yaagiis. I kaseegaadan burccukkuwaa etassi immidi: “Hagee inttessi gukkiya ta suuttan maacettida ooratta maachchaa” yaagiis.—Luqaasa 22:19, 20.

Yesuusi ba kiittidoogeetuyyo he galla qammi odana darobay deꞌees. I etayyo ooratta azazuwaa immiis; hegeekka, eti issoy issuwaa wozanaappe siiqanaadaana. I: “Intte issoi issuwaara siiqettikko, ta erissiyo ashkkarata gidiyoogaa asai ubbai erana” yaagiis. (Yohaannisa 13:34, 35) Guuttaa takkidi yashshiyaabay gakkiyo wode eta wozanay shabbirettennaadan zoriis. Yesuusi eta gishshau wozanappe woossiis. Eti issippe mazamuriyaa yexxi simmidi, he qammi Geetesemaane giyo ataakiltte sohuwaa biidosona.

Geetesemaane ataakiltte sohuwan, Yesuusi gulbbatidi wozanappe Xoossaakko woossiis. Sohuwaara, cora wotaaddarati, qeesetinne hara asay a oyqqanau yiidosona. Yihuday Yesuusakko shiiqi yeridi, a aattidi immiis. Wotaaddarati Yesuusa oyqqin, kiitettidaageeti baqatidosona.

Yesuusi Ayhuda xoqqa pirdda keetti shiiqido wode, i Xoossaa Naꞌaa gidiyoogaa geeshshidi yootiis. He shilootay i Xoossaa cayido gishshau hayqqana bessees giidi pirddiis. Hegaappe simmin, Yihudaa biittaa haariya Rooma asa gidida PHenxxeniyaa PHilaaxoosakko Yesuusa efiidosona. I Yesuusan ayba mooronne demmibeennaba gidikkonne, Yesuusi hayqqanaadan koyidi wocamiya asau aattidi immiis.

Yesuusa Golggottaa giyo sohuwaa efiidosona; yan Rooma wotaaddarati a mittaa bolli misimaariyan xishidosona. Seeta gallassay maalaalissiya hanotan qammau laamettiis. Takkidi, he galla saateppe guyyiyan, Yesuusi hayqqiis; yaatin wolqqaama biittaa qaattay qaaxxiis. A ahay shuchaappe woocido duufuwan moogettiis. Wonttetta galla qeeseti he duufuwaa gorddidi, naagiyaageeta yan wottidosona. Yesuusi he duufuwan attanee? Attenna. Maalaalissiya ooso ubbaappe aadhiyaagee polettana hanees.

—Maatiyoosa shemppo 26⁠ninne 27n; Marqqoosa shemppo 14⁠ninne 15n; Luqaasa shemppo 22⁠ninne 23n; Yohaannisa shemppo 12ppe 19 gakkanaashin baasettidaagaa.

◼ Yesuusi essido ooratta baalay aybee?

◼ Yesuusi hayqqanaappe kase hanettidabay aybee?

[Sinttaa 23n deꞌiya saaxiniyaa]

Yesuusau Deꞌiya Xoqqa Sohuwaa

Yihoowa halchoy Polettiyo ogiyan Yesuusa hayqoy gitabaa oottiis. Xoossaa geeshsha ayyaanaa baggaara Mayraama Yesuusa shahaarido gishshau, i polo gididi yelettiis; i hayqqanau bessenna. Gidikkokka, asaa naati merinau deꞌanaadaaninne Addaamee azazettennan ixxin a zerettatuppe halida deꞌuwaa eti demmanaadan Yesuusi hayqqiis.a—Maatiyoosa 20:28; Luqaasa 1:34, 35; Yohaannisa 3:16, 36; 2 PHeexiroosa 3:13.

[Tohossa qofaa]

[Sinttaa 23n deꞌiya misiliyaa]

Doomettaabaa

Kessaabaa

Wogaabaa

Qoodaabaa

Zaarettido Wogaa

Yaasa

Daannata

Uruto

1 Sameela

2 Sameela

1 Kawotu

2 Kawotu

1 Hanidabaa Odiya

2 Hanidabaa Odiya

Izira

Nahimiyaa

Asttiro

Iyyooba

Mazamure

Leemiso

Eranchchaa

Siiquwaa Sabaa

Isiyaasa

Ermmaasa

Ermmaasa Zilaassaa

Hizqqeela

Daaneela

Hoose7a

Yuu7eela

Amoxa

Abddiyyu

Yoonaasa

Mikiyaasa

Naahooma

Imbbaaqooma

Sofonaasa

Hagga

Zakkaariyaasa

Milkkiyaasa

Maatiyoosa ●

Marqqoosa ●

Luqaasa ●

Yohaannisa ●

Oosuwaa

Roome

1 Qoronttoosa

2 Qoronttoosa

Galaatiyaa

Efisoona