SHAAHO 14

Yihoowayyo Ammanettiyoogaa Waatada Bessana Danddayay?

Xoossaa bagga gida. 1 PHeexiroosa 5:6-9

Issi Kiristtaanee worddo haymaanootiyawu exatiyoogaa woy polotikaa allaalliyan geliyoogaa eqettees

Geeshsha Maxaafaara moggenna meeziyaappe haakka. Hegaadan oottanau xalatettaa koshshees.

Kawotettatu polotika allaalliyan geloppa; eti Yihoowanne a Kawotettaa kaafokkona.

Xoossay yootiyoobaa siya; hegee keehippe koshshiyaaba. Maatiyoosa 7:24, 25

Issi bitanee SHiiquwaa Addaraashan shiiqeesinne issi Yihoowa Markkaara Geeshsha Maxaafaa xanna’ees

Yihoowa Markkatuura dabbota; eti neeni Xoossaakko shiiqanaadan maaddana.

Xoossaabaa tamaariyoogaa aggoppa; qassi au azazettanau baaxeta.

Bitanee ba huuphiyaa Yihoowayyo geppidoogaa woosan ayyo yootees; qassi guyyeppe xammaqettees

Ne ammanoy minniyo wode, ne huuphiyaa Yihoowayyo geppada xammaqettana koshshees.—Maatiyoosa 28:19.

Xoossay yootiyoobaa siya. Geeshsha Maxaafaa nabbaba; neeni nabbabidobaa akeekanau maaddana mala Yihoowa Markkata oycha. Yaatada, tamaaridobaa oosuwan peeshsha. Hegaadan oottikko neeni merinau deꞌana.—Mazamure 37:29.