Wozanaa Denttettanawu Baaxeta

Leemiso 3:1

TAMAARANABAA: Ezggiyaageeti tamaariyoobaa akeekidi, hegaadan oottanaadan maadda.

WAATANA DANDDAYAY?

• Ezggiyaageeti banttana qoranaadan maadda. Ezggiya asay ba qofaa qorana mala maaddanawu eti bantta wozanan zaariyo oyshata oychcha.

• Loꞌꞌobaa qoppanaadan minttetta. Ezggiyaageeti loꞌꞌobaa oottiyoy aybissakko qoppanaadan minttetta. Loꞌꞌobay, hegeekka Yihoowa siiqoy, qassi asaanne Geeshsha Maxaafaa timirttiyaa siiqoy eta denttettanaadan maadda. Ezggiyaageeti yuushshi qoppanaadan maaddappe attin, eta seeroppa. Ne haasayaappe simmin eti minettonanne loꞌꞌobaa oottanawu wozanappe koyonappe attin, yeellatoppona.

• Yihoowa qoppanaadan maadda. Geeshsha Maxaafaa timirtteti, kaaletotinne azazoti Yihoowa eeshshatanne I nuna siiqiyoogaa waati qonccissiyaakko mintta yoota. Ezggiyaageeti Yihoowayyo siyettiyaabaa eranawunne A ufayssanawu koyanaadan ootta.