HAASAYISSIYOGAA DOOMMIYOGAA
TIMIRTTE 6
Xalatettaa
Geeshsha Maxaafaa Maaraa: “Intteyyo a wonggeliyaa mishiraachchuwaa yootana mala, Xoossai nuuyyo minotettaa immiis.”—1 Tas. 2:2.
Yesuusi Oottidobaa
1. BIIDUWA beꞌa, woy Luqaasa 19:1-7 nabbaba. Yaatada, kaallidi deꞌiya oyshata akeeka:
Issi issi asay Zakkiyosa ixxidoy aybissa gidana danddayii?
Gidikkokka, Yesuusi awu mishiraachchuwa yootanaadan oottidabay aybee?
Yesuusappe Ay Tamaariyoo?
2. Nuuni asa ubbawu Kawotettaa mishiraachchuwa yootanawu xala gidana koshshees.
Yesuusa Milata
3. Yihoowan ammanetta. Mishiraachchuwa yootanawu koshshiya wolqqaa Xoossaa ayyaanay Yesuusawu immidoogaadan, neeyyookka immana. (Maa. 10:19, 20; Luq. 4:18) Neeni yayyiyo asatussi sabbakanawu xalatettaa immanaadan Yihoowa oychcha.—Oos. 4:29.
4. Asay siyenna gaada kasetada kuuyoppa. Nuuni issi issi asaa qottaa, deretettan etawu deꞌiya sohuwa, eta aquwa, deꞌuwa hanotaa woy eti ammaniyobaa gaasuwan eta haasayissanawu guyye gaana danddayoos. Shin hagaa hassaya:
Yihoowaynne Yesuusi asaa wozanan deꞌiyabaa erana danddayoosona, shin nu erana danddayokko.
Yihooway maaddana danddayenna asi baa.
5. Xala gida, shin hiillanchchanne akeekanchcha gida. (Maa. 10:16) Palamettoppa. Issi uri mishiraachchuwa siyanawu koyennaba, woy hanotay hirggissiyaba gidikko, bonchchuwa bessiya ogiyan haasayaa kuuya.—Lee. 17:14.