GEESHSHA MAXAAFAA OYSHAA ZAARUWAA
Saluwaa biyaageeti oonee, aybissi biyoonaa?
Daroti hayqqiyo wode saluwaa baanau hidootoosona. Yesuusi ba kiittido ammanettidaageeti yan deꞌanaagaa yootiis. I hayqqanaappe kase, ba Aawaa matan saluwan etassi sohuwaa giigissanaagaa yootiis.—Yohaannisa 14:2 nabbaba.
Asay hayquwaappe denddidi saluwaa biyoy aybissee? Eti yan ay oottanee? Yesuusi ba kiittidoogeetuyyo eti kawo gidanaagaa yootiis. Eti saꞌaa haarana.—Luqaasa 22:28-30; Ajjuutaa 20:4 nabbaba.
Loꞌꞌo asay ubbay saluwaa baanee?
Daro biittan, haariyaageeti amaridaageetu xalla. Saꞌaa bolli haaranaadan Yesuusi hayquwaappe denttiyo asati saluwaa biyo gishshau, he doorettidaageeti amaridaageeta giyoogee bessiyaaba. (Luqaasa 12:32) Geeshsha Maxaafay Yesuusaara haaranaageetu qooday aappunakko yootees.—Ajjuutaa 14:1 nabbaba.
Yesuusi bana kaalliyaageetuppe amaridaageetuyyo saluwan sohuwaa giigissiis. Eti yan ay oottanaakko eray?
Woytuwaa demmanaageeti saluwaa biyaageetu xalla gidokkona. Yesuusa Kawotettau ammanettidi haarettiyaageeti gannate saꞌan merinaa deꞌuwaa demmana. (Yohaannisa 3:16) Issoti issoti ha iita alamee xayiyo wode bashshaappe attidi Gannatiyaa gelana. Harati qassi hayquwaappe denddidi yan deꞌana.—Mazamure 37:29; Yohaannisa 5:28, 29 nabbaba.