GEESHSHA MAXAAFAA OYSHAA ZAARUWAA
Xoossaa Kawotettay yaanaadan woossana koshshiyoy aybissee?
Xoossaa Kawotettaabaanne i oottanabaa gujjada erana koyay?
Xoossaa Kawotettay saluwan deꞌiya ayso. Ha Kawotettay saꞌan xillotettaynne sarotettay deꞌanaadan oottiyo gishshawu, he Kawotettay yaanaadan woossana mala [Yesuusi] ba erissiyo ashkkaratuyyo yootiis. Asa kawotetti awugeenne makkalaa, pirdda pacaanne harggiyaa xayssana danddayenna; shin Xoossaa Kawotettay hegaa xayssana danddayees. Xoossay ba Naꞌay Yesuusi he Kawotettawu Kawo gidanaadan dooriis. He Kawotettan ba Naꞌaara haaranaadan Yihooway Yesuusi erissiyo ashkkaratuppe amaridaageeta dooriis.—Luqaasa 11:2; 22:28-30 nabbaba.
Xoossaa haaruwaa eqettiyaageeta ubbaa Xoossaa Kawotettay matan xayssana. Yaatiyo gishshawu, Xoossaa Kawotettay yaanaadan oychiyoogee asa kawotettaa ubbaa gishshaa Xoossay ayssanaadan oychiyoogaa.—Daaneela 7:13, 14; Ajjuutaa 11:15, 18 nabbaba.
Asaa naata goꞌꞌiyay Xoossaa Kawotettaa gididoy aybissee?
Yesuusi asawu qarettiyaagaa gidiyo gishshawu i ooppenne loꞌꞌo Kawo. I Xoossaa Naꞌa gidiyo gishshawu, maaduwaa koyidi Xoossaa xeesiyaageeta maaddana danddayees.—Mazamure 72:8, 12-14 nabbaba.
Xoossaa Kawotettay yaanaadan woossiyaanne bantta deꞌuwaa hegaa maaran deꞌiya ubbaa goꞌꞌana. Geeshsha Maxaafay Xoossaa Kawotettaabaa yootiyoobaa tamaariyoogan mule zilꞌꞌettakka.—Luqaasa 18:16, 17; Yohaannisa 4:23 nabbaba.