SINTTA HUUPHE YOHUWAA | YIHOOWA MARKKATI OONEE?
Nuuni sabbakiyoy aybissee?
Nuuni sooppe soo biidi, ogiyaaninne asi deꞌiyoosan ubban sabbakiyoogan erettoos. Nuuni hegaadan oottiyoy aybissee?
Yihoowa Markkati sabbakiyoy Xoossaa bonchanaassanne a sunttaa asawu erissanaassa. (Ibraawe 13:15) Yesuus Kiristtoosawukka azazettana koyoos; i, “Intte biidi, asa ubbaa tana kaalliyaageeta oottite; . . . taani inttena azazidobaa ubbaa eti naagana mala, eta tamaarissite” yaagiis.—Maatiyoosa 28:19, 20.
Qassi nu shoorotakka siiqoos. (Maatiyoosa 22:39) Daro asawu a buzo haymaanootee deꞌiyoogaanne nu yootiyoobaa siyiyay ubba asaa gidennaagaa eroos. Gidikkokka, Geeshsha Maxaafay yootiyoobay shemppo ashshiyaaba gidiyoogaa akeekoos. Nuuni koyro xeetu layttan deꞌida Kiristtaanetuugaadan aggennan ‘Kiristtoosabaa tamaarissiyoynne yootiyoy’ hegaassa.—Oosuwaa 5:41, 42.
Deretettaabaa xannaꞌiya Anttoniyo Kova Maduro giyo bitanee “Yihoowa Markkati daro baaxiyaaninne daafuran . . . , geeshsha qaalaa yootanawu saꞌaa gaxaa gakkanawu biyoogaa” yootiis.—El Universal giyo gaazeexaa, Venzuweela
Nu xuufiyaa nabbabiyaageetuppe daroti Yihoowa Markkata gidokkona. Qassi nunaara Geeshsha Maxaafaa xannaꞌiya, miilooniyan qoodettiyaageeti hara haymaanootiyaa kaalliyaageeta. SHin Yihoowa Markkati haasayissido gishshawu eti ufayttoosona.
Yihoowa Markkata xeelliyaagan neeyyo hara oyshaykka deꞌana danddayees. Zaaruwaa demmanawu kaallidi deꞌiyaagaadan oottanaadan minttettoos:
Issi Yihoowa Markkaa oycha.
Nu sayttiyaa, www.jw.org xomoosa.
Ubba asay miishsha qanxxennan shiiqiyo nu shiiquwaa shiiqa.