Hassayay?

Mati kiyida Wochiyo Keelaa maxeeteta loyttada nabbabadii? Yaatikko, kaallidi deꞌiya oyshata zaarana danddayay?

Xoossaa dirijjitiyaappe kaaletoy yiyo wode, ishantti leemisuwawu, woradaa xomoosiyaageetinne gubaaꞌe cimati waatana bessii?

Eti sohuwaara azazettana bessees. Eti banttana hagaadan oychana danddayoosona: ‘Taani harata ayyaanaaban maaddiyaanaa? Taani kaaletuwaa eesuwan siyiyaanaanne kaalliyaanaa?’—w16.11, sinttaa 11.

Tumu Kiristtaaneti Baabiloonen omoodettidoy awudee?

Hegee hanidoy kiitettidaageeti hayqqidi darin takkennaana. He wode, qeesetu citay doommiis. Woossa keettaynne kawotettay kaddidaageetu Kiristtaane haymaanootee aakkanaadan oottidi gisttiyan leemisettida Kiristtaaneti yootiyoobay siyettennaadan oottanawu malidosona. SHin ayyaanan tiyettidaageeti 1914⁠ppe kasetiya daro layttaa giddon aylletettaappe laꞌa kiyiyoogaa doomidosona.—w16.11, sinttaa 23-25.

Lefver Detapli oottidobay keehi maaddiyaaba gididoy aybissee?

Lefveri 1520 heeran Geeshsha Maxaafaa ubba asay demmana mala Paransaayettuwan birshshiis. I xiqiseta birshshido ogee Martin Luutera, Wiiliyam Tindelanne Jon Kalvina keehi maaddiis.—wp16.6, sinttaa 10-12.

‘Asatettaabaa qoppiyoogaa’ giddooninne ‘ayyaanaabaa qoppiyoogaa’ giddon deꞌiya dummatettay aybee? (Roo. 8:6)

Asatettaabaa qoppiya uri ubbatoo nagaraa amuwaa polanawu koyees, ubbatoo abaa haasayeesinne a sabbees. Ayyaanaabaa qoppiya uri qassi, waannayidi Xoossaabaanne a qofaabaa qoppees; he Kiristtaanee geeshsha ayyaanay bana kaalettanaadan eeno gees. Asatettaabaa qoppiyoogee hayquwaa kaalettees; shin ayyaanaabaa qoppiyoogee deꞌuwaanne sarotettaa ehees.—w16.12, sinttaa 15-17.

Keehi unꞌꞌettennan agganawu waatana danddayay?

Kaseyana bessiyaabaa kaseya, hanana danddayiyaabaa qoppa, ubba galla shemppa ekkiyo wodiyaa bazza, Xoossay medhidoban ufaytta, harata michada neenikka miicca, bollaa minttiyaabaa ootta, qassi gidiyaagaa keenaa xiskka.—w16.12, sinttaa 22-23.

Heenooki hayquwaa beꞌenna mala ekettiis. (Ibr. 11:5) Waanidi?

Xoossay Heenooki waayettennan hayqqanaadan oottennan aggenna.—wp17.1, sinttaa 12-13.

Ashkketettay keehi koshshiyoy aybissee?

Ashkketettay nubaa maara qoppiyoogaaranne nuuni danddayennabaa akeekiyoogaara gayttidaba. Nu eeshshay harata maaddana woy qohana danddayiyoogaa akeekana koshshees; qassi nubaa bessiyaagaappe aattidi qoppana bessenna.—w17.01, sinttaa 18.

Xoossay ha wodiyan Bolla Gididi Heemmiyaagaa kaalettees; i koyro xeetu layttan bolla gididi heemmiyaagaakka kaalettidoogaa bessiyaabay aybee?

Geeshsha ayyaanay maaddin eti Geeshsha Maxaafaa tumaa akeekidosona. Kiitanchati maaddin sabbakiyo oosuwaa kaalettidosona; qassi hegawu Xoossaa Qaalan ammanettidosona. Ha wodiyankka hanotay hegaa mala.—w17.02, sinttaa 26-28.

Nuuni wozuwaa keehi alꞌꞌobadan xeellanaadan oottiyaabay aybee?

Kaallidi deꞌiya oyddubaara, hegeekka, hegaa immidaagaa oonatettaara, he imotay imettido gaasuwaara, immanawu oottidobaara, qassi he imotay neeyyo keehi koshshiyaaba gidiyoogaara gayttidaba. Wozoy he oyddubaara gayttidaba gidiyoogaa nuuni wotti denttidi qoppana koshshees.—wp17.2, sinttaa 4-5.

Issi Kiristtaane kuuyidobaa laammana koshshii?

Nuuni nu qaalaa polana bessees. SHin issi issitoo nu kuuyidobaa zaarettidi qoppana koshshees. Nanawe asay bantta nagaraappe simmin, Xoossay ba qofaa laammiis. Hanotay laamettiyo wode woy oorattabaa siyiyo wode nuuni hegaadan oottana danddayoos.—w17.03, sinttaa 16-17.

Qohiyaabaa haasayiyoogee iita gidiyoy aybissee?

Hegee hanotay yaa iitanaadan oottana danddayees. Nuuni likke gidin gidana xayin, qohiyaabaa haasayiyoogee hanotaa mule giigissenna.—w17.04, sinttaa 21.