Xoossaa Kawotettaa Xeelliyaagan Tumaa
Yesuusi A kaalliyaageeti, “Saluwan de7iya nu Aawau, ne geeshsha sunttai anjjetto. Ne kawotettai yo; ne shenee saluwan hanidoogaadan, sa7ankka hano” giidi woossanaadan tamaarissiis. (Maatiyoosa 6:9, 10) Xoossaa Kawotettay aybee? I ay oottanee? Qassi nuuni kawotettaabaa woossana koshshiyoy aybissee?
Yesuusi Xoossaa Kawotettawu Kawo.
Luqaasa 1:31-33: “A sunttaa Yesuusa yaagada sunttana. I gita gidana; qassi Ubbaappe Bolla Xoossaa Na7a geetettana; Godai ayyo a aawaa Daawita kawotettaa immana; inne Yaaqoobantta zariyan merinau kawotana; a kawotettaassi wurssetti baawa.”
Yesuusi sabbakido waannatiyaabay Xoossaa Kawotettaabaa.
Maatiyoosa 9:35: “Yesuusi eta Aihuda woosa keettatun tamaarissiiddinne kawotettaa wonggeliyaa mishiraachchuwaa yootiiddi, qassi hargge ubbaappenne saho ubbaappe asa pattiiddi, wogga katamatuuninne qeeri katamatun ubban yuuyiis.”
Yesuusi ba erissiyo ashkkaratussi Kawotettay yaanawu matido wodiyaa eranaadan maaddiya malataa yootiis.
Maatiyoosa 24:7: “Aissi giikko, issi biittaa asai hara biittaa asaara olettana; qassi issi kawotettai hara kawotettaara olettana; koshainne biittaa qaattai ubbasan de7ana.”
Ha wodiyan Yesuusi erissiyo ashkkarati kumetta saꞌan he Kawotettaabaa sabbakoosona.
Maatiyoosa 24:14: “Asa ubbau markka gidana mala, kawotettaa wonggeliyaa mishiraachchoi sa7a ubban odettana; hegaappe guyyiyan, wurssettai gakkana.”