Maxeeteta Asau Immanau Woygana Danddayettii?

Wochiyo Keelaa Masqqala 1

“Asay bala ogiyan haymaanootiyau mishettiyoogan issi issitoo iitabaa oottees. Eti hegaadan balana mala oottiday ayba giidi qoppeetii? [Zaaruwaa immanaashin takki ga.] Geeshsha Maxaafay woygidi minttettiyaakko akeekite. [1 Yohaannisa 4:1 nabbaba.] Nuuni ammaniyoobaa Geeshsha Maxaafay yootiyoobaara gatti xeelliyoogee keehippe koshshidoy aybissakko ha maxeetee qonccissees.” Sinttaa 10n doommiya huuphe yohuwaa bessa.

Beegottite! Masqqala

Maatiyoosa 5:39 nabbaba. Yaatada, “Yesuusi nuna iitabay gakkiyo wode coꞌꞌu giidi waayettanaadan yootiis giidi qoppeetii? [Zaaruwaa immanaashin takki ga.] Ba huuphiyaa ashshiyoogaanne higgiyan naaguwaa demmanau koyiyoogaa xeelliyaagan Geeshsha Maxaafay woygiyaakko ha maxeetee qonccissees.” Sinttaa 10n doommiya huuphe yohuwaa bessa.

Wochiyo Keelaa Xiqimita 1

“Saꞌa yuushuwan deꞌiya dumma dumma haymaanootiyaa kaalliya asay woossees. Xoossay woosaa siyidi zaarees giidi qoppeetii? [Zaaruwaa immanaashin takki ga.] Geeshsha Maxaafay nuuni woossanaadan minttettees. [Piliphphisiyuusa 4:6, 7 nabbaba.] Woosaa xeelliyaagan meeze gidida laappun oyshatuyyo Geeshsha Maxaafay immiyo zaaruwaa ha maxeetee qonccissees.”

Beegottite! Xiqimita

“Aqo laggee, polotikan ayssiyaageeti woykko harati kaddido asatubaa nuuni darotoo siyeettees. Hegaappe denddidaagan ammanettiya asa demmanau danddayettennabadan qoppeetii? [Zaaruwaa immanaashin takki ga.] Daro asay ha xiqisee polettiiddi deꞌiyoogaa qoppees. [2 Ximootiyoosa 3:1-5 nabbaba.] Ammanettiya asaa awan demmana danddayiyaakko ha maxeetee qonccissees.”