Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Daro asay Yesuusi yelettido gallassa giidi qoppiyo wodiyaa bonchees; shin Yesuusi hayqqido gallassaa bonchiyoogee koshshiyaaba giidi qoppeetii? Zaaranaashin takki ga. Laappune 1 Wochiyo Keelaa keettaawau immada, sinttaa 16n koyro sima huuphe yoho garssan deꞌiya qofaa tobbite; hegan deꞌiya xiqisiyaappe guuxxiis giishin issuwaa qofaa nabbaba. Kaallidi deꞌiya oyshaa tobbanau zaarettada yaana gallassaa keera.”

Wochiyo Keelaa Laappune 1

“Dumma dumma ammanoynne meezee deꞌiyo daro woosa keettatinne haymaanooteti deꞌoosona. Taani Kiristtaane giya ubbay tumuppe Kiristtaane giidi qoppeetii? [Zaaranaashin takki ga.] Yesuusi yootidoogaadan, hagee tumu Kiristtaaneta shaakki eranau maaddiyaabatuppe issuwaa. [Yohaannisa 13:34, 35 nabbaba.] Ha maxeetee tumuppe a kaalliyaageeta shaakki eranau maaddiya, Yesuusi yootido ichashubata qonccissees.”

Beegottite! Laappune

“Nu shoorotuura issi metiya eeshshaabaa haasayoos. Ha wodiyan asay hanqquwan suulliyaaba, qassi ba huuphiyaa naagana danddayennaba milatees. Hegaa gaasoy ayba giidi qoppeetii? [Zaaranaashin takki ga.] Hanqquwaa xeelliyaagan Geeshsha Maxaafay yootiyoobaa akeekite. [Mazamure 37:8 nabbaba.] Ha wodiyan asay hanqquwan suullanaadan oottiyaabaappe amaridabaanne nuuni hanqquwaa waatidi mittana danddayiyaakko ha maxeetee qonccissees.”