Ne Daafuran Ufaytta
1. Nuuni mishettidi haggaazennaadan oottana danddayiyaabay aybee?
1 Asay ‘ba daafuran ufayttanaadan’ merettiis. (Era. 2:24) SHin nuuni haggaazuwan loꞌꞌo ayfiyaa demmenna wode, hidootaa qanxxidi ufayttennaageetanne mishettennaageeta gidana danddayoos. Nuuyyo loꞌꞌo xeelay deꞌanaadan aybi maaddana danddayii?
2. Nu haggaazuwaara gayttidaagan bessiyaagaadan qoppana koshshiyoy aybissee?
2 Bessiyaabaa Naaga: Yesuusa timirttiyaa siyidi oottidaageeti keehi guutta gidikkokka, i ba haggaazuwaa suure polidoogee erettidaagaa. (Yoh. 17:4) Kattaa zeriyaagaa leemisuwan, zerettaa mala gidida Kawotettaa qaalay darotu wozanan mokkennaagaa Yesuusi kasetidi yootiis. (Maa. 13:3-8, 18-22) Gidikkokka, nuuni minnidi oottiyoogan darobaa polana danddayoos.
3. Nuuni sabbakiyo wode siyiya asay guutta gidikkokka, ayba ogiyan ‘ayfana’ danddayiyoo?
3 Daro Ayfiyaa Ayfiyo Ogiyaa: Yesuusi yootido leemisoy, qaalaa ufaytti siyiyaageeti ‘ayfiyoogaa’ bessees. (Maa. 13:23) Gisttee diccidi zerettaa ayfeesippe attin, gistte carshshaa ayfenna. Hegaa gishshau, mino Kiristtaanetikka ubbatoo ayfiyoobay ooratta erissiyo ashkkarata gidennan, daro Kawotettaa ayfiyaa; hegeekka, zaari zaaridi Kawotettaabaa yootiyoogaa. He muruta ayfee asay siyin aggin, nuuni ‘ufayttanaadan’ oottiyaaba. Yaatiyoogan, nuuni Yihoowa sunttay anjjettanaadan oottoos. (Isi. 43:10-12; Maa. 6:9) Yihoowaara issippe oottiyo maataa demmido gishshau ufayttoos. (1 Qor. 3:9) Yaatiyoogan, ‘menttershshay immiyo galatay’ Yihoowa ufayssees.—Ibr. 13:15, 16.
4. Nu haggaazuwan, nuussi qoncce gidenna hanotan ayba ayfee beettana danddayii?
4 Qassi, minnidi oottiyoobay nuuni akeekenna ogiyan ayfiyaa ayfana danddayees. Yesuusi tamaarissiyo wode siyida issoti issoti, i saꞌan ba oosuwaa polana gakkanaashin erissiyo ashkkara gidibookkona. Hegaadan, nuuni zerido Kawotettaa zerettay issi ura wozanan sohuwaara mokkennan aggana danddayees; shin i takkidi nuuni erennan Yihoowa Markka gidana danddayees. Ee, nu haggaazuwan daro ufayssiyaabaa oottana danddayoos. Hegaa gishshau, ‘daro ayfiyaa ayfiyaageeta’ gidoos; yaatidi, Yesuusi erissiyo ashkkarata gidiyoogaa bessoos.—Yoh. 15:8.