Godaa Kahuwau SHoobbiyoogaa Laappune 1n Doommoos
1. Godaa kahuwau asaa shoobbiyoogaa awude doommanee, zamachay hara wodeegaappe aduqqiyoy aybissee?
1 Laappune 1, Arbba gallassi harati nunaara Godaa kahuwaa bonchanaadan layttan layttan shoobbiyo zamachaa doommoos. Laappune 26n Godaa kahuwaa bonchiyo gishshau, zamachay hara wodiyaagaappe guuttaa aduqqees. Hegee daro asaa, ubba qassi haggaazo moottay aaho gidido gubaaꞌiyaa heeran deꞌiyaageeta shoobbanau maaddees.
2. SHoobiyaa woraqataa ekkanaunne haggaazo moottaa gattanau giigidabay aybee?
2 Giigissuwaa: Asa demmibeenna keettan shoobiyaa woraqataa wottana bessiya bessenna, qassi haggaazo moottaa waatidi gattanaakko cimati yootana danddayoosona. Sooppe soo bi shoobbidi moottaa wurssi simminkka shoobiyaa woraqatay palahiyaaba gidikko, dabaaban haggaaziyo wode immana danddayoos. Aassiyaageetuyyo gidiyaagaa keena shoobiyaa woraqatay deꞌiyaakkonne haggaazuwaa xomoosiya ishay kaallees; shin shoobiyaa woraqataa ubbaa assaaiyaageetussi issi kutti gishana koshshenna. Nuuni issitoo issi saaminttau gidiyaagaa xallaa ekkana koshshees.
3. Nuuni shoobiyaa woraqataa asau immiyo wode ay hassayana koshshii?
3 Woygana Danddayiyoo? Danddayettida keenan daro asaa shoobbanaadan, qanttan haasayissiyoogee loꞌꞌo. SHoobiyaa woraqataa asau waatidi immanaakko qonccissiya, sinttaa 4n deꞌiyaagaa nu haggaazo moottaadan goꞌettana danddayoos. Haasayissiyo uri siyanau koyikko woy issi issibaa oychikko eesotidi baana koshshenna. Qeeraanne Woggaa gallassi shoobe woraqataa immiyo wode, hanotay injjetikko maxeetetakka issippe immana koshshees. Laappune 2n Geeshsha Maxaafaa xinaatiyaa doomissanau maliyoogaappe, shoobiyaa woraqataa immana.
4. Nuuni zamachan mishshettidi oottana koshshiyoy aybissee?
4 Godaa kahuwaa bonchanau daro asay nunaara shiiqanaagaa hidootoos. Siyana haasayay Yesuusi tumuppe oonakko qonccissees. (1 Qor. 11:26) I hayqqidoogee nuna waatidi goꞌꞌiyaakkokka siyana. (Roo. 6:23) Qassi nuuni a hassayiyoogee keehippe koshshiyoy aybissakkokka qonccissees. (Yoh. 17:3) He zamachan mishettidi asaa shoobbiyaageeta gidoos!