Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Daroti hayqqiyo wode saluwaa baanau hidootoosona. SHin saluwaa biyaageeti yan ay oottanee?” [Zaaranaashin takki ga.] Ichashe-Laappune Wochiyo Keelaa bessada, wurssetta sinttan deꞌiya koyro oyshaanne guuxxiis giishin issi xiqisiyaa tobbite. Maxeeteta au immada, kaallidi deꞌiya oyshaa tobbanau zaarettada yaana gallassaa keera.

Wochiyo Keelaa Ichashe-Laappune

“Xoossaa xeelliyaagan yootiyo worddo ubbaappe aadhiyaagee awugaa giidi qoppeetii? [Zaaranaashin takki ga.] Xoossay asay a siiqanaadaaninne an ammanettanaadan koyiyoogaa Geeshsha Maxaafay yootees. [Isiyaasa 41:13 nabbaba.] Issoti issoti Xoossaakko shiiqanau metootanaadan oottida, Xoossaa xeelliyaagan odettiya meeze gidida heezzu worddota ha maxeetee qonccissees.”

Beegottite! Usuppune

“Asa gakkiya meeze gidida metuwaabaa qanttan asaara tobbiiddi deꞌoos. Ubbabaa oottidi wurssanau wodee gidiyaaba milatenna. Nuuyyo wodee baynnay oottiyo darobay deꞌiyo gishshataassa giidi qoppeetiiyye woy nu wodiyaappe dariya baggaa coo xayssiyo gishshataassa giidi qoppeetii? [Zaaranaashin takki ga.] Nuuyyo deꞌiya wodiyaa suure goꞌettanaadan Geeshsha Maxaafay loꞌꞌo zore zoriyoogaa daroti erokkona. Issi leemisuwaa beꞌite. [Piliphphisiyuusa 1:10a nabbaba.] Ha maxeetee, daroti banttau deꞌiya wodiyaa eratettan goꞌettanaadan maaddida oyddu ogeta qonccissees.”