Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Daroti hayqqiyo wode saluwaa baanau hidootoosona. SHin saluwaa biyaageeti yan ay oottanee?” Zaaranaashin takki ga. Ichashe-Laappune Wochiyo Keelaa wurssetta sinttaa bessada, koyro oyshaanne baa giishin issi xiqisiyaa tobbite. Maxeeteta au immada, kaallidi deꞌiya oyshaa tobbanau zaarettada yaana gallassaa keera.

Ichashe-Laappune

“Xoossaa xeelliyaagan yootiyo worddo ubbaappe aadhiyaagee awugaa giidi qoppeetii? [Zaaranaashin takki ga.] Xoossay asay a siiqanaadaaninne an ammanettanaadan koyiyoogaa Geeshsha Maxaafay yootees. [Isiyaasa 41:13 nabbaba.] Issoti issoti Xoossaakko shiiqanau metootanaadan oottida, Xoossaa xeelliyaagan odettiya meeze gidida heezzu worddota ha maxeetee qonccissees.”

Beegottite! Hosppune

“Ubba heeran meeze gidida issi metuwau maaddiya qofaa yootanau yiida. Issi issi asay keehi unꞌꞌissiya metoy gakkiyo wode bana woranau koyoosona. Issi uri unꞌꞌettidi hegaadan qoppiyo wode, i tumuppe hayqqanau koyiiyye woy ba metuwaappe shemppanau koyii? [Zaaranaashin takki ga.] Daroti loꞌꞌo qofaa qoppanaadan maaddida Geeshsha Maxaafay yootiyo hidootaa beꞌite. [Ajjuutaa 21:​3, 4 nabbaba.] Ha maxeetee, issi uri daro metoy deꞌishinkka bana worennaadan maaddiya heezzu gaasota qonccissees.”