Naasiyan Gita Oosoy Oosettana!
Ooratta Trakttiyaa Kumetta Saꞌan Deꞌiya Asawu Immana
1. Xoossaa Kawotettay eqqido 100tta layttan, dumma zamachan kumetta saꞌan ay oottanee?
1 Xoossaa Kawotettay eqqoosappe 100 laytta kumana hanees. Hegaa gishshawu, dumma zamachan Yihoowa bonchiyoogee bessiyaaba! Nuuni Oychiyo Gita Oyshaa Zaaruwaa Awuppe Demmana Danddayiyoo? giya ooratta trakttiyaa kumetta saꞌan deꞌiya asawu Naasiyan immana. Ha trakttee asay oychiyo oyshawu Geeshsha Maxaafaappe zaaruwaa koyanaadan minttettees; qassi jw.org sayttee eta keehi maaddanaagaa qonccissees.
2. Naasiyan nu “qaalaa xoqqu oottidi hombbociiddi” Yihoowa galatanawu ay oottana danddayiyoo?
2 Qaalaa Xoqqu Oottidi Galatiyoogaa: Kaseegaappe loytti haggaazanawu koyiyaageeta maaddanawu, Naasiyan kaafiya aqinye gididi haggaazana koyiya ubbaa minttettiya loꞌꞌobay giigiis. Xammaqettida ishatinne michoti he aginan kaafiya aqinye gididi 30 saatiyaa irpportte oottana danddayoosona. Naasiyan Arbba, Qeeraanne Woggaa gallassay ichasha ichasha gidiyo gishshawu, daro oosanchatinne tamaareti kaafiya aqinye gididi haggaazana danddayoosona. Neeni xannaꞌissiyo uri aassiyaagaa gididi oottana danddayiyaaba woy ne naꞌay aassiyaagaa gidanawu koyiyaaba gidikko, cimata shiishshiya ishawu sohuwaara yoota. Gita oosuwaa oottiyo he aginan nunaara haggaaziyoogee eta keehi minttettiyaaba! Naasee kumetta wode aqinye gidida daroti banttappe layttan koyettiya saatiyaa kuntti simmidi shemppiyo agina gidikkokka, ha dumma zamachan loytti haggaazanawu etikka bantta hanotaa giigissana danddayoosona. Hagee so asay Naasiyan “bantta qaalaa xoqqu oottidi hombbociiddi” Yihoowa galatanawu ay oottanaakko tobbana koshshiyo wode.—Izi. 3:11; Lee. 15:22.
3. Ha dumma zamachan aybi hanana giidi hidootiyoo?
3 Kase hegaa mala zamachatun nu xuufiyaa asawu immidaba gidikkokka, hagee gita zamacha gidana giidi qoppoos. Saatiyaa, aassiyaageetunne kaafiya aqinyetu qooday Naasiyan kaseegaappe xoqqa gidaneeshsha? Kumetta saꞌan deꞌiya Yihoowa asay 2014 haggaazo layttaa wurssettan, Naasiyan ay wodeppenne aaruwan oottiyoobaa Yihooway anjjanaadan amottoos.—Maa. 24:14.