Loytti Tamaarissanawu Kasetidi Giigettana Bessees

Merinaa deꞌuwaa xeelliyaagan Yesuusa naaꞌꞌu asati oychin, i oychidaageetu hanotaadan dumma dumma zaaruwaa yootiis. (Luq. 10:25-28; 18:18-20) Hegaadan, nuunikka xannaꞌissiyo xuufiyan deꞌiya qofaa loytti eriyaaba gidikkokka, nu tamaariyaa hanotaa qoppidi kasetidi giigettana bessees. Tamaaree akeekanawu woy ammani ekkanawu metootiyo qofay awugeeshsha? Hegan deꞌiya xiqisetuppe tamaariyaara issippe nabbabana koshshiyoogeeti awugeeteeshsha? Issi kutti ay keenaa xannaꞌana bessii? Tamaare issibaa loytti akeekanaadan leemisuwaa yootana, qofaa loytti qonccissana woy issi issi oyshata oychana danddayoos. Hegaa bollikka, tumaa puutiyaa tamaariyaa wozanan dichiyay Yihoowa gidiyo gishshawu, nuuni xinaatiyawu giigettiyo wodenne tamaariyaa ayyaanaaban maaddanawu baaxetiyo wode nuna anjjanaadan, qassi nu tamaariyaakka anjjanaadan Yihoowa woossana danddayoos.—1 Qor. 3:6; Yaaq. 1:5.