Gita SHiiquwawu Asaa SHoobbiyo Zamachaa

Layttan layttan, killiliyaa shiiquwan giigiya ayyaanaabaa gibiraa yeemottidi naagoos. Yihoowa loꞌꞌotettaa beꞌanawu haratikka nunaara shiiqanaadan daro asaa shoobbana. (Maz 34:8) Cimati ubbay shoobe woraqataa waatidi loytti goꞌettanaakko kuuyoosona.

HASSAYANA BESSIYAABAA

• Nu killiliyaa shiiqoy awudee?

• Asaa shoobbiyoogaa nu gubaaꞌiyan awude doommanee?

• Haggaazuwawu awude awude shiiqiyoo?

• Zamachawu taani halchidobay aybee?

• Oona oona shoobbanawu qoppidanaa?

WOYGUUTEETII?

Saroti simmidi hagaadan gaana danddayeeta:

“Kumetta saꞌan issi gita shiiquwawu ha shoobe woraqataa asawu immoos. Gallassay, saateenne sohoy ha shoobe woraqatan deꞌees. Neenikka nunaara shiiqanaadan wozanappe koyoos.”

KOYIYA ASAA WAATI MAADDANEE?

Gita shiiquwawu keehi daro asaa shoobbanawu koyikkokka, eranawu koyiya asaa sohuwaara maaddana koshshees.

Qeeraanne Woggaa shoobe woraqataara maxeeteta immana danddayeeta.