SHiiquwan Waatidi Loꞌꞌo Qofaa Yootana Danddayiyoo?

Loꞌꞌo qofaa yootiyoogee gubaaꞌiyaa minttettees. (Roo 14:19) Qassi he qofaa yootiya uraakka maaddees. (Lee 15:23, 28) Yaatiyo gishshawu, nuuni ubba gubaaꞌe shiiquwankka baa giishin issitoo nu qofaa yootanawu baaxetana bessees. Nuuni kushiyaa dentto paydo ubban oyshettennan aggana danddayoos. Hegaa gishshawu, daro qofaa yootanawu giigettiyoogee loꞌꞌo.

Loꞌꞌo qofay . . .

• qantta, qonccenne akeekanawu metennaagaa. Darotoo 30 sokonddiyan woy hegaappe guutta wodiyan yootana danddayettees

• xuufiyaappe nabbabidi zaariyooba gidenna

• hara uri zaariichidobaa coo zaarettiyooba gidenna

Koyro zaariyo wode . . .

• qanttanne qoncce zaaruwaa yoota

Oyshay zaarettiichin, neeni . . .

• shempponne paydo xallay odettido xiqisee qofaara waani maayettiyaakko qonccissa

• hegee nu deꞌuwaara waani gayttiyaakko yootana danddayaasa

• odettida qofaa waati oosuwan peeshsha danddayiyaakko qonccissana danddayaasa

• waanna qofaa loytti qonccissiya, deꞌuwan hanidabaa yootana danddayaasa