Yihooway Gelido Qaalaa Ay Keenaa Mintti Ammaneetii?

Yihooway gelido qaalaappe issoynne polettennan attibeennaagaa Yaasunne Solomoni yootidosona. (Yaas 23:14; 1Kaw 8:56) Ha ammanttiya naaꞌꞌu markkati yootidobay nu ammanoy minnanaadan oottiya gaasotuppe issuwaa.—2Qor 13:1; Tii 1:2.

Yaasu wode Yihooway ba gelido qaalaa waati polidee? ‘I Giidobay Ubbay Polettiis’ giyo biiduwaa intte so asaara beꞌite. Yaatidi kaallidi deꞌiya oyshata zaaranawu malite: (1) Raꞌaaba ammanuwan oottidoogaadan waatidi oottana danddayetti? (Ibr 11:31; Yaaq 2:24-26) (2) Eriiddi azazettennan ixxiyoogee bashshaa kaalettiyoogaa Akkaana hanotay waati bessii? (3) Gabaaꞌoona asay olanchaa gidikkokka, Yaasa cimmidi Israaꞌeelatuura sarotettaa medhidoy aybissee? (4) Amooretu kawoti ichashati Israaꞌeelata yashissido wode Yihoowa qaalay waani polettidee? (Yaas 10:5-14) (5) Xoossaa kawotettaanne a xillotettaa intte deꞌuwan sinttayiyo wode Yihooway inttena waati maaddidee?—Maa 6:33.

Yihooway oottidobaa, oottiiddi deꞌiyoobaanne sinttappe oottanabaa wotti dentti qoppiyo wode, i gelido qaalaa kaseegaappe aaruwan ammanoos.—Roo 8:31, 32.