Kawotettaa Mishiraachchuwaa Yootiyaageetu Timirtte Keettan Tamaaranawu Eeno Guutee?

Neeyyo layttay 23-65 gidduwan deꞌii, qassi ubba wode haggaazuwaa haggaazaydda deꞌay? Ne bollay payyee, qassi aassiyaageeti keehi koshshiyoosaa baada haggaazana danddayay? Ha oyshatuyyo neeni ee gaada zaarikko, Kawotettaa Mishiraachchuwaa Yootiyaageetu Timirtte Keettan tamaaranawu qoppa eray? Koyro tamaaridaageetuppe doommidi, shaꞌan qoodettiya aqo laggeti, aqo oyqqibeenna ishanttinne michchontti tamaaridosona. Gidikkonne, aqo oyqqibeenna daro ishantti tamaaranaadan nuuni koyoos. Yihoowa ufayssanawu kaseegaappe aaruwan koshshay neeyyo deꞌanaadaaninne A Naꞌaa leemisuwaa kaallanaadan Yihoowa oychcha. (Maz 40:8; Maa 20:28; Ibr 10:7) Yaatada so asaa aawatettaa, oosuwaa woy acotidobaa waata polana danddayiyaakkonne qoppa. Hegaappe simmada, tamaarana danddayana mala amaridabaa giigissana danddayay?

Loohidaageeti ayba ogiyan, qassi awan haggaazana danddayiyoonaa? Loohida issoti issoti hara qaalaa haasayiyo biittan woy asay dariyo kataman dabaaban markkattanawu maddabettidosona. Loohida harati qassi guyyeppe woradaa xomoosiya ishaa gishshaa xomoosiyaageeta, woradaa xomoosiyaageeta woy misoonaawe gididosona. Yihoowa haggaazuwan neeni oottana danddayiyoobaa qoppiyo wode, “Hekko, tana kiitta!” giida hananabaa yootiya Isiyaasaagaa mala xeelay neessi deꞌana danddayees.—Isi 6:8.

CAHAA OOSUWAA OOTTIYA MISOONAAWETA, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• 

  Misoonaaweti waani doorettiyoonaa?

• 

  Misoonaaweti oottiiddi deꞌiyo loꞌꞌo oosoy aybee?

• 

  Misoonaawe gididi haggaaziyoogee demissiyo anjjotuppe amaridaageeti aybee?