Xannaꞌanawu Ne Wozanaa Giigissa

Geeshsha Maxaafaa xannaꞌiyo wode, nuuni Yihoowabaa tamaariyobay nu wozanaa denttettanaadan koyoos. Nuuni ‘Yihoowa Higgiya xannaꞌanawu ba wozanaa giigissi uttida’ Izira leemisuwa kaallana danddayoos. (Izi. 7:10) Nu wozanaa waati giigissana danddayiyoo?

Woossa. Xannaꞌiyogaa doommanaappe kase woossa. Neeni tamaariyobaa akeekanawunne oosuwan peeshshanawu maaddana mala Yihoowa woossa.—Maz. 119:18, 34.

Nena ziqqi ootta. Xoossay bantta eran ceeqettiya asatuppe tumaa genttees. (Luq. 10:21) Nuuni harata malaalissanawu xannaꞌana koshshenna. Nu qofay Xoossaa qofaara maayettennan aggiyo wode nuna ziqqi oottidi nu qofaa laammoos.

Nu mazamuretuppe issuwa ezgga. Muuziqay goynuwawu nu wozanaa denttettana danddayees. Yaaniyo gishshawu, nuuni xannaꞌiyogaa doommanaappe kase mazamuriya ezggiyogee nu wozanaa giigissanawu maaddees.