Armmageedooni Doommanay Israaꞌeela Biittaanee?—Geeshsha Maxaafay Woygii?

Armmageedooni issi heera xallan olettiyoba gidennan, kumetta saꞌan deꞌiya kawotettati ubbay Xoossaara olettiyoba gidiyogaa Geeshsha Maxaafay qonccissees.

• “Iita ayyaanati Ubbaappe Wolqqaama Xoossaa gita gallassan, sa7aa kawota ubbaa olaayyo shiishshanau baana. . . . He iita ayyaanati kawota Ibraisxxe qaalan Armmageedoona giyo sohuwaa shiishshidosona.”—Ajjuutaa 16:14, 16.

“Armmageedoona” giya qaalay Har Megidon giya Ibraawetto qaalaappe yiis; hegaa birshshettay “Megiddo Deriya” giyogaa. Megiddoy beni Israaꞌeela biittan deꞌiya katama. Hegaappe denddidaagan, issi issi asay Armmageedoona olay Israaꞌeela biittan denddana giidi qoppees. Gidikkonne, Megiddo heeray gidin, Giddo Arshshon deꞌiya ay sohoykka, ‘saꞌaa kawoti ubbaynne’ eta olanchchati shiiqanawu gidenna.

Ajjuutaa maxaafan xaafettidabay malaatatun, woy leemiso hanotan qoncciis. (Ajjuutaa 1:1) Armmageedooni issi heeraa qonccissiyaba gidennnan, kawotettati Xoossaa haaruwa wurssetta wodiyawu eqettidi issippe shiiqiyo kumetta saꞌan haniyabaa bessiyaba.—Ajjuutaa 19:11-16, 19-21.