Wachtawur ONLAYN LAYBREERIYA
Wachtawur
ONLAYN LAYBREERIYA
Wolayttattuwa
  • GEESHSHA MAXAAFAA
  • XUUFETA
  • SHIIQOTA
Wolayttatto Xuufeta (1993-2026)
Kiya
Gela
Wachtawur ONLAYN LAYBREERIYA
Wachtawur
ONLAYN LAYBREERIYA
Hashshu Saro Yaadasa.
Hagee Yihoowa Markkati giigissido, dumma dumma qaalan giigida xuufeta koyanawu maaddiyabaa.
Xuufiya wottanawu, hayyanaa hagaa jw.org xomoosa.
Erissuwa
Ooratta qaalati gujettidosona: Betsimisaraka (Northern), Betsimisaraka (Southern), Konkomba, Matses, Mi'kmaq
  • Hachchi

Woggaa, Xiqimita 19

Moliya oyqqanawu intte giteta yeggite.—Luq. 5:4.

Yesuusi Yihooway kiitettida Pheexiroosawu koshshiyaabaa kunttanaagaa I ammanettanaadan oottiis. Yesuusi hayquwaappe denddi simmidi, Pheexiroosinne I kiittidoogeeti maalaalissiya ogiyan moliyaa haranttuwaa oyqqanaadan oottiis. (Yoh. 21:4-6) Ha maalaalissiyaabay Yihooway Pheexiroosassi deꞌuwawu koshshiyaabaa kunttana danddayiyoogaa I ammanettanaadan oottidoogee qoncce. ‘Kasetidi Xoossaa Kawotettaa koyiyaageetuyyo’ koshshiyaabaa Yihooway kunttanaagaa Yesuusi yootidoogaa Pheexiroosi hassayennan aggenna. (Maa. 6:33) Ha ubbabay, Pheexiroosi moliyaa oyqqiyo oosuwaa gidennan, ba deꞌuwan sabbakuwaa oosuwaa kaseyanaadan maaddiis. Pheexiroosi 33 M.Ln, Phenxxaqosxxe gallassan xalatettan sabbakiis, qassi hegee daro shaꞌu asati mishiraachchuwaa siyanaadan oottiis. (Oos. 2:14, 37-41) Hegaappe simmin, Samaariyaa asatinne Ayhuda gidennaageeti Kiristtoosa ammananaadan I maaddiis. (Oos. 8:14-17; 10:44-48) Dumma dumma asay gubaaꞌiyaa yaanaadan Yihooway maalaalissiya ogiyan Pheexiroosa goꞌettidoogee tuma. w23.09 20 ¶1; 23 ¶11

Geeshsha Maxaafaa Galla Galla Pilggiyogaa—2025

Saynno, Xiqimita 20

Intte ha aimuwaanne a birshshettaa tana erissana xayikko, taani inttena qanxxa yeggana.—Dane. 2:5.

Baabilooneti Yerusalaame xayssin naaꞌꞌaa gidiya layttaa heeraappe simmin gidennan aggenna, Baabiloona Kawoy Naabukadanaxoori yashshiya aymuwan gita misiliya beꞌiis. Daaneela gujjin, A aadhdhida eranchchati he aymuwaanne he aymuwaa birshshettaa awu yootanaadan azaziis. Eti yootana xayikko, I eta ubbaa worana. (Dane. 2:3-5) Daaneeli eesuwan issibaa oottana koshshees; hegee xayikko daro asay hayqqana. I “kawuwaakko gelidi, aimuwaa birshshettaa erissanau, baayyo wodee imettana mala woossiis.” (Dane. 2:16) Hegee Daaneeli xalanne ammanoy deꞌiyo asa gidiyogaa bessees. Waatidi? Daaneeli hegaappe kase aymuwaa birshshi eriyoogaa yootiya taarikee baawa. Ba laggeti “saluwaa Xoossai maarotaa etau oottidi, ha xuuraa etau qonccissanau woossana mala” I oychchiis. (Dane. 2:18) Yihooway eta woosaa zaariis. Xoossay maaddin, Daaneeli Naabukadanaxoora aymuwaa birshshiis. Daaneelinne A laggeti hayqqibookkona. w23.08 3 ¶4

Geeshsha Maxaafaa Galla Galla Pilggiyogaa—2025

Masqqaynno, Xiqimita 21

Wurssettay gakkanaashin genccida uray attana.—Mat. 24:13.

Danddayanchcha gidiyoogee demissiyo goꞌꞌaa qoppa. Nuuni danddayanchcha gidiyo wode ufayttoosinne woppu goos. Yaatiyo gishshawu, danddayanchcha gidiyoogee nuuni qofaaninne asatettan payya gidanaadan oottees. Nuuni haratubaa danddayiyo wode, etaara dabbotaa minttoos. Nu gubaaꞌee kaseppe aaruwan issuwaa gidana. Issi uri nuna yiilloyiyo wode eesuwaara hanqqettokko, qassi hanotay yaa iitanaadan oottokko. (Maz. 37:8; Lee. 14:29) Hegaa bollikka, saluwan deꞌiya nu Aawaa milatoosinne kaseegaappe aaruwan akko shiiqoos. Danddayay nuna ubbaa maaddiya keehi loꞌꞌo eeshsha. Danddayanchcha gidiyoogee issi issitoo metiyaaba gidikkonne, Yihooway maaddin nuuni ha eeshshaa ubbatoo bessana danddayoos. Qassi nuuni ooratta alamiyaa danddayan naagiiddi, “GODAA aifeti ayyo yayyiyaanne aggenna a siiquwan ufaissaa oottiya asatu bollaana” gidiyoogaa ammanettana danddayoos. (Maz. 33:18) Nuuni ubbaykka aggennan danddayaa maayanawu murttidaageeta gidoos. w23.08 22 ¶7; 25 ¶16-17

Geeshsha Maxaafaa Galla Galla Pilggiyogaa—2025
Hashshu Saro Yaadasa.
Hagee Yihoowa Markkati giigissido, dumma dumma qaalan giigida xuufeta koyanawu maaddiyabaa.
Xuufiya wottanawu, hayyanaa hagaa jw.org xomoosa.
  • Wolayttattuwa
  • Kiita
  • Dosiyobata
  • Copyright © 2025 Watch Tower Bible and Tract Society of Pennsylvania
  • Goꞌettiyo Wogaa
  • Goꞌettiyageetu Xuuraa Naagiyo Higgiya
  • Goꞌettiyageetu Xuuraa Naagiyo Higgiya Giigissiyobaa
  • JW.ORG
  • Gela
Kiita