Xoossaa Kawotettay Aybee?

Xoossaa Kawotettay Geeshsha Maxaafay yootiyoobaappe waannatiya qofa. Yihoowi ba Kawotettaa baggaara saꞌaa Gannate oottana. He Kawotettay aybee? Xoossaa Kawotettay haꞌꞌi haariiddi deꞌiyoogaa aybin eriyoo? He Kawotettay hanno gakkanawu ay oottidee? Qassi sinttappe ay oottanee? Ha timirtteenne kaalliya naaꞌꞌu timirtteti ha oyshata zaarana.

1. Xoossaa Kawotettay Aybee, qassi A Kawoy oonee?

He Kawotettay Xoossaa Yihoowi essido ayso. He Kawotettaa Kawoy Yesuus Kiristtoosa; qassi I saluwan uttidi haarana. (Maatiyoosa 4:17; Yohaannisa 18:36) Geeshsha Maxaafay, “[I] merinau kawotana” yaagidi Yesuusabaa yootees. (Luqaasa 1:32, 33) Yesuusi Xoossaa Kawotettaa Kawo gidiyo gishshawu, saꞌan deꞌiya ubbaa haarana.

2. Yesuusaara haaranaageeti oonee?

Yesuusi barkka haarenna. “Qommo ubbaappe, dumma dumma biitta qaala ubbaappe, yara ubbaappenne zare ubbaappe” Yihoowi doorido asati “sa7an haarana.” (Ajjuutaa 5:9, 10) Kiristtoosaara haaranaageeti aappunee? Yesuusi saꞌaa yiido wodiyaappe doommidi, daro miiloone asati A kaallidosona. Hegeeti ubbay aara haaranee? CHii, 144,000tu xallay Yesuusaara haaranawu saluwaa baana. (Ajjuutaa 14:1-4 nabbaba.) Saꞌan deꞌana hara Kiristtaaneti ubbay he Kawotettawu haarettana.—Mazamure 37:29.

3. Xoossaa Kawotettay asaa kawotettatuppe kehiyoy aybissee?

Haariyaageetuppe issoti issoti loꞌꞌobaa oottanawu baaxetikkokka, koyiyo ubbabaa oottanawu etawu wolqqi baa. Qassi etappe simmin haariyaageeti bantta xallaa siiqidi asaa maaddanawu koyennaageeta gidana danddayoosona. SHin Xoossaa Kawotettaa Kawoy Yesuusi mule shaarettenna. Xoossay “mulekka kunddenna . . . kawotettaa [essiis.]” (Daaneela 2:44) Yesuusi kumetta saꞌaa haarana, qassi I asa asappe shaakkenna. I siiqiyaagaa, kehanne maara oyqqiyaagaa, qassi asay siiqettanaadan, issoy issuwaa kehatettaaninne maara oyqqanaadan I tamaarissana.—Isiyaasa 11:9 nabbaba.

4. Wolqqaama kawotettay kumetta saꞌaa haarana

Yesuus Kiristtoosawu ay wodenne haaridaageetuppe aaro wolqqay deꞌees. Maatiyoosa 28:18 nabbabite; yaatidi ha oyshaa tobbite:

• Yesuusawu deꞌiya haariyo maatay haariya oogaappenne aybin dummatii?

Kawotettati darotoo laamettoosona, qassi kumetta saꞌaa haariyay eta giddon ooninne baa. Xoossaa Kawotettay shin? Daaneela 7:14 nabbabite; yaatidi ha oyshata tobbite:

• Xoossaa Kawotettay ‘mulekka xayennaagee’ loꞌꞌoba gidiyoy aybissee?

• Kumetta saꞌaa I haaranaagee loꞌꞌo gidiyoy aybissee?

5. Asaa haaroy xayana koshshees

Asaa kawotettati xayin Xoossaa Kawotettay eqqana koshshiyoy aybissee? BIIDUWAA beꞌite; yaatidi ha oyshaa tobbite.

BIIDUWAA: Xoossaa Kawotettay Aybee?—Giyaagaappe Ekettidaagaa (1:41)

• Asaa haaroy ay kaalettidee?

Eranchchaa 8:9 nabbabite; yaatidi ha oyshata tobbite:

• Asaa kawotettati xayin Xoossaa Kawotettay eqqana koshshees gaada qoppay? Aybissi?

6. Xoossaa Kawotettan haariyaageeti nu hanotaa akeekoosona

Nu Kawoy Yesuusi asa gididi deꞌido gishshawu, “nuuni daafuriyo wode nuuyyo qarettanau danddayees.” (Ibraawe 4:15) Yesuusaara haarana 144,000 ammanettida attuma asatanne macca asata Yihoowi “qommo ubbaappe, dumma dumma biitta qaala ubbaappe, yara ubbaappenne zare ubbaappe” dooriis.—Ajjuutaa 5:9.

• Yesuusinne aara haariya ubbay asa deꞌoy ay malakko eriyoogee nena minttettiyoy aybissee?

7. Xoossaa Kawotettaa higgeti asa kawotettatu ubbaagaappe keehi loꞌꞌo

Kawotettati asaa maaddananne naagana gi qoppidi higgeta kessoosona. Xoossaa Kawotettaykka asay azazettana bessiya higgeta kessees. Koyro Qoronttoosa 6:9-11 nabbabite; yaatidi ha oyshata tobbite:

• Asay ubbay Xoossaa higgetussi azazettiyo wode saꞌay ay mala gidana gaada qoppay?a

• Yihoowi he kawotettan deꞌiya asay he higgeta bonchchanaadan koyiyoogee bessiyaaba gaada qoppay? Aybissi?

• Xoossaa higgiyaassi azazettennaageeti laamettana danddayiyoogaa bessiyaabay aybee?—Paydo 11 xeella.

AY AKEEKADII?

Xoossaa Kawotettay kumetta saꞌaa haariya saluwan deꞌiya tumu ayso.

Zaaretuwaa

• Xoossaa Kawotettan haariyaageeti oonee?

• Xoossaa Kawotettay asaa kawotettatu ubbaappe kehiyoy aybissee?

• He Kawotettan deꞌiya asatuppe Yihoowi koyiyo amaridabati aybee?

PILGGA

Kawotettay awaana giidi Yesuusi tamaarissidaakko akeeka.

“Xoossaa Kawotettay Ne Wozanan Deꞌiyaabee?” (Nu websaytiyan deꞌiyaaba)

Yihoowa Markkati asa haaruwan ammanettiyoogaappe Xoossaa Kawotettawu ammanettanawu dooriyoy aybissee?

Xoossaa Kawotettawu Aqidosona (1:43)

Yihoowi Yesuusaara haaranaadan doorido 144,000 asatubaa Geeshsha Maxaafay woygiyaakko pilgga.

“Saluwaa Biyaageeti Oonee?” (Nu websaytiyan deꞌiyaaba)

Qasho keettan deꞌiya maccaasiyaa suure alamiyaa ehaana danddayiyay Xoossaa xalla gidiyoogaa ammananaadan oottiday aybee?

“Naaquwaa Xayssanabaa Waata Eridanaa?” (Beegottite! huuphe yohuwaa)