TIMIRTTE 18
Tumu Kiristtaaneta Waata SHaakka Eruutee?
Daro biiloone asay bana Kiristtaane gees. SHin eti ubbay ammaniyoobaynne eti kaalliyo maaray issi mala gidenna. Yaatin nuuni tumu Kiristtaaneta waati shaakki erana danddayiyoo?
1. Tumu Kiristtaanee oonee?
Kiristtaaneti Yesuus Kiristtoosa kaalliyaageeta. (Oosuwaa 11:26 nabbaba.) Eti Yesuusa kaalliyaageeta gidiyoogaa waati bessiyoonaa? I hagaadan giis: “Intte taani tamaarissiyoogau azazettikko, tumu tana kaalliyaageeta.” (Yohaannisa 8:31) Hegaa giyoogee tumu Kiristtaaneti Yesuusi tamaarissidobaa azazettana bessees giyoogaa. Yesuusi awudekka Geeshsha Maxaafay yootiyoobaa tamaarissiis. A tumuppe kaalliyaageetikka hegaadan oottoosona.—Luqaasa 24:27 nabbaba.
2. Tumu Kiristtaaneti siiqiyoogaa waati bessiyoonaa?
Yesuusi bana kaalliyaageeta, “Taani inttena siiqiyoogaadan, inttekka issoi issuwaara siiqettite” yaagiis. (Yohaannisa 15:12) Yesuusi bana kaalliyaageeta siiqiyoogaa waati bessidee? I etaara wodiyaa aattiis, eta minttettiisinne maaddiis. I eta gishshawu ba shemppuwaakka aatti immiis. (1 Yohaannisa 3:16) Tumu Kiristtaaneti siiquwaabaa yootiyoogaa xalla gidennan, issoy issuwaa siiqiyoogaa Yesuusaagaadan haasayankka oosuwankka bessoosona.
3. Kiristtoosa tumuppe kaalliyaageeti oottiyo oosoy aybee?
Yesuusi bana kaalliyaageetussi oosuwaa immiis. ‘Xoossaa kawotettaabaa yootanaadan I eta kiittiis.’ (Luqaasa 9:2) Beni Kiristtaaneti bantta goynniyoosaa xallan gidennan, asawu eta sooninne eta demmiyo harasan Xoossaa Kawotettaabaa yootidosona. (Oosuwaa 5:42; 17:17 nabbaba.) Ha wodiyan deꞌiya tumu Kiristtaanetikka hegaadan, asay deꞌiyo soho ubban Geeshsha Maxaafaa tumaa yootoosona. Eti harata siiqiyo gishshawu, Geeshsha Maxaafay yootiyo hidootaanne minttettiyaabaa banttawu deꞌiya wodiyaaninne wolqqan ufayttiiddi yootoosona.—Marqqoosa 12:31.
LOYTTA AKEEKA
Tumu Kiristtaaneti Yesuusi tamaarissidobaanne oottidobaa kaallenna asatuppe aybin dummatiyaakko akeeka.
4. Eti Geeshsha Maxaafaa tumaa pilggoosona
Beni Kiristtaaneti Xoossaa Qaalaa oosuwan peeshshana koshshiyoogaa akeekidosona
Banttana Kiristtaane giya amaridaageeti Geeshsha Maxaafaa tumaa akeekiyoogee woy oosuwan peeshshiyoogee maaddees giidi qoppokkona. BIIDUWAA beꞌite; yaatidi kaallidi deꞌiya oyshaa tobbite.
Banttana Kiristtaane giya amarida woosa keettati asay Yesuusi tamaarissidobaa erennaadan ay oottidonaa?
Yesuusi Xoossaa Qaalaappe tumaa tamaarissiis. Yohaannisa 18:37 nabbabite; yaatidi ha oyshaa tobbite:
Yesuusi yootidoogaadan, “tumaa bagga gidiya” Kiristtaaneta nuuni waati shaakki erana danddayiyoo?
5. Eti Geeshsha Maxaafaa tumaa yootoosona
Beni Kiristtaaneti haratussi markkattidosona
Yesuusi saluwaa baanaappe kase, bana kaalliyaageeti ha wodiyankka oosettiiddi deꞌiya oosuwaa oottanaadan azaziis. Maatiyoosa 28:19, 20nne Oosuwaa 1:8 nabbabite; yaatidi ha oyshaa tobbite:
Eti awude gakkanaashin, qassi awa gakkanaashin markkattanee?
6. Eti bantta yootiyoogaadankka oottoosona
Taama giyo bitanee tumu Kiristtaane ammanuwaa demmidoogaa aybin ammanidee? BIIDUWAA beꞌite; yaatidi kaallidi deꞌiya oyshata tobbite.
Taami haymaanootiyaaban salettidi agganaadan oottidabaa biiduwaappe ay akeekadii?
I tumaa demmidoogaa ammanidoy aybissee?
Issi uri oottiyoobay I haasayiyoobaappe aaruwan abaa qonccissees. Maatiyoosa 7:21 nabbabite; yaatidi ha oyshaa tobbite:
Yesuusi nu ammanoos giyoobaa xoqqu ootti xeelliiyye nu oosuwan bessiyoobaa xoqqu ootti xeellii?
7. Eti issoy issuwaa siiqoosona
Beni Kiristtaaneti issoy issuwaa siiqidosona
Kiristtaaneti bantta mala Kiristtaanetu gishshawu, tumuppe bantta shemppuwaa aatti immidonaa? BIIDUWAA beꞌite; yaatidi kaallidi deꞌiya oyshata tobbite.
Biiduwan beꞌidoogaadan, Ishaa Johanssena gishshaa Loydi ba shemppuwaa aatti immanaadan oottidabay aybee?
I oottidobay issi tumu Kiristtaanee oottanaba gaada qoppikkii?
Yohaannisa 13:34, 35 nabbabite; yaatidi ha oyshata tobbite:
Yesuusa kaalliyaageeti (tumu Kiristtaaneti) hara zariyawu woy hara biittaa asawu waatiyoonaa?
Eti olaa wode hegaadan waati oottiyoonaa?
ISSI ISSI ASAY HAGAADAN GEES: “Kiristtaaneti keehi iitabaa oottido gishshawu, eta haymaanootee waani tuma gidana danddayii?”
Nuuni tumu Kiristtaaneta waati shaakki erana danddayiyaakko bessiya ay xiqise issi urawu nabbabana danddayay?
AY AKEEKADII?
Tumu Kiristtaaneti Geeshsha Maxaafay yootiyoobaa azazettoosona, bantta goꞌꞌaa yeggi bayidi siiqoosonanne Geeshsha Maxaafaa tumaa yootoosona.
Zaaretuwaa
Tumu Kiristtaaneti ammaniyoobay aybin deꞌiyaabee?
Tumu Kiristtaaneta shaakki eranaadan oottiya eeshshay awugee?
Tumu Kiristtaaneti oottiyo oosoy aybee?
PILGGA
Yesuus Kiristtoosi oottidobaanne tamaarissidobaa kaallanawu wozanappe baaxetiya asatubaa loytta era.
Kase malakuse gidida issi maccaasiyaa “Yihoowa asaa yara” gidanaadan oottidabay aybakko akeeka.
“Eti Oysha Ubbaa Geeshsha Maxaafaappe Zaaridosona!” (Wochchiyo Keelaa, Isiine 1, 2014)
Tumu Kiristtaaneti maadoy koshshiyo bantta mala Kiristtaaneta siiqiyoogaa waati bessidaakko akeeka.
Nu Ishantta Daafabay Gakkiyo Wode Maaddiyoogaa—Giyaagaappe Ekettidaagaa 3:57
Yesuusi bana kaalliyaageeta shaakki erissiyaabaa giido, beni Kiristtaanetikka oottidobaa ha wodiyan Yesuusa tumuppe kaalliyaageeti waati oottiyaakko pilgga.
“Tumu Kiristtaaneta SHaakki Eranau Maaddiyaabati Aybee?” (Wochchiyo Keelaa, Hosppune 1, 2012)