Alamiyaaban Oossinne Exatennaagaa Waati Bessiyoo?

Yesuusi bana kaalliyaageeti ‘saꞌaabaa gidana’ koshshennaagaa woy saꞌaaban eta gattiyaabi baynnaagaa tamaarissiis. (Yohaannisa 15:19) Ha alamiyaa polotikaaninne olan oossinne exatennaageekka hegaara gayttidaba. Exatennan aggiyoogee issi issitoo metiyoogee tuma. Nuuni alamiyaaban ooyyoonne exatenna gishshawu, asay nuna qilliiccana danddayees. Nuuni ooyyoonne exatennan, awudenne Xoossaa Yihoowawu ammanettidi deꞌanawu waatana danddayiyoo?

1. Tumu Kiristtaaneti asaa kawotettata waati xeelliyoonaa?

Kiristtaaneti kawotettaa bonchchoosona. Nuuni giiraa qanxxana koshshiyoogaa mala kawotettaa higgiyawu azazettidi, “Qeesaaraagaa Qeesaarassi” immiyoogan, Yesuusi azazidobaa oottoos. (Marqqoosa 12:17) Geeshsha maxaafay asaa kawotettati haariyoy Xoossay eeno giido gishshataassa gidiyoogaa yootees. (Roome 13:1) Yaatiyo gishshawu, asaa kawotettatussi Xoossaagaa keena maatay baynnaagaa nuuni eroos. Asaa metuwaa nu Xoossay ba Kawotettaa baggaara qaaranaadan amottoos.

2. Nuuni alamiyaaban ooyyoonne exatennaagaa waati bessana danddayiyoo?

Yesuusaagaadan, nuunikka polotikaaban aybinkka gelokko. Asay Yesuusi oottido maalaaliya issibaa beꞌidi A kawoyanawu malido wode, I eeno gibeenna. (Yohaannisa 6:15) Ayssi giikko, I guyyeppe yootidoogaadan, ‘A kawotettay ha saꞌaana gidenna’ woy qassi saꞌaaban A gattiyaabi baawa. (Yohaannisa 18:36) Nuuni Yesuusa kaalliyaageeta gidiyo gishshawu, alamiyaaban oossinne exatennaagaa daro ogetun bessoos. Leemisuwawu, nuuni ola olettokko. (Mikiyaasa 4:3 nabbaba.) Nuuni banddiraa mala, issi biittawu malaata gididabata bonchchikkonne, Xoossawu bessiya bonchchuwaa etawu immokko. (1 Yohaannisa 5:21) Nuuni ay polotikaa dirijjitessinne woy doorettiya oossinne exatokko woy eta eqettokko. Hegeetinne harabati nuuni Xoossaa kawotettawu wozanappe ammanettiyoogaa bessoosona.

LOYTTA AKEEKA

3. Tumu Kiristtaaneti alamiyaaban oossinne exatokkona

Yesuusinne A kaalliyaageeti nuussi leemiso gidiyaabaa oottidosona. Roome 13:1, 5-7​nne 1 PHeexiroosa 2:13, 14 nabbabite. Yaatidi, BIIDUWAA beꞌidi, kaallidi deꞌiya oyshata tobbite.

BIIDUWAA: Tumu Kiristtaaneti Alamiyaaban Oossinne Exatokkona—SHaaho 1 (4:28)

• Nuuni asaa kawotettata bonchchana koshshiyoy aybissee?

• Nuuni etawu haarettiyoogaa bessiyo amarida ogeti awugeetee?

Olaa wode amarida kawotettati olettiyaageetuppe oossinne exatokko gaana danddayoosona, shin he olan naaꞌꞌu baggaakka maaddoosona. Alamiyaaban tumuppe oossinne exatennaagaa waati bessiyo? Yohaannisa 17:16 nabbabite. Yaatidi, BIIDUWAA beꞌidi, kaallidi deꞌiya oyshaa tobbite.

BIIDUWAA: Tumu Kiristtaaneti Alamiyaaban Oossinne Exatokkona—SHaaho 2 (3:11)

• Alamiyaaban oossinne exatennaagaa waati bessiyo?

Neeni Xoossaa higgiyaa phalqqiyaabaa oottanaadan kawotettay koyikko waatuutee? Oosuwaa 5:28, 29 nabbabite. Yaatidi, BIIDUWAA beꞌidi, kaallidi deꞌiya oyshata tobbite.

BIIDUWAA: Tumu Kiristtaaneti Alamiyaaban Oossinne Exatokkona—SHaaho 3 (1:18)

• Asaa higgee Xoossaa higgiyaa phalqqiyaaba gidiyo wode, O higgiyawu azazettana koshshii?

• Kiristtaaneti kawotettawu azazettenna hanotata hassayay?

4. Neeni alamiyaaban ooyyoonne exatennaagaa bessiyaabaa qoppanne ootta

Koyro Yohaannisa 5:21 nabbabite. Yaatidi, BIIDUWAA beꞌidi, kaallidi deꞌiya oyshata tobbite.

BIIDUWAA: Tumu Kiristtaaneti Xala Gidana Bessiyoy Aybisee?—Polotikaaban Oossinne Exatennan Deꞌanawu (2:49)

• Neeni biiduwan beꞌidoogaadan, Ayenggee polotikaa dirijjitiyan gelennan, woy banddiraa mazamuriyaa yexxiyoogaa mala, ba biittaa siiqiyoogaa bessiyaaba oottennan ayssi ixxidee?

• Ne qofay aybee, I loꞌꞌobaa kuuyidee?

Nuuni alamiyaaban oossinne exatennan agganawu metootanaadan oottana danddayiya harabati aybee? BIIDUWAA beꞌite; yaatidi kaallidi deꞌiya oyshata tobbite.

BIIDUWAA: Wochchiyo Keelaappe Tamaariyoobaa—SHaahettida Alamiyan Ooyyoonne Exatennan Deꞌite (5:16)

• Dumma dumma biittaa asay annaacettiyo ispporttiyaa beꞌiyo wode ooyyoonne exatennaadan waatana danddayiyoo?

• Polotikaa asati kuuyiyoobay nuna goꞌꞌin woy qohinkka, ooyyoonne exatennaadan waatana danddayiyoo?

• Oduwaa woy nunaara gayttiya asay yootiyoobaa siyidi alamiyaaban nuuni oossinne exatana koshshennay aybissee?

AY AKEEKADII?

Kiristtaaneti qoppiyooban, haasayiyoobaaninne oottiyooban polotikaaban ooyyoonne exatennaadan baaxetoosona.

Zaaretuwaa

• Asaa kawotettawu nuuni oottana koshshiyaabay aybee?

• Nuuni polotikaaban oossinne exatennay aybissee?

• Alamiyaaban oossinne exatennan agganawu nuuni metootanaadan oottana danddayiyaabati aybee?

PILGGA

Nuuni alamiyaaban oossinne exatennaadan ay aggi bayana danddayiyoo?

Yihoowi Nuna Mule Yeellayibeenna (3:14)

Alamiyaaban oossinne exatennan agganawu metiyaabawu, so asay kaseti giigettanawu ay oottana danddayii?

Daro Asay Deꞌiyoosan Oossinne Exatennan Deꞌiyoogaa (4:25)

Issi uri ba biittaa naagiyoogee ayyo bonchcho ubbaappe aadhdhiyaaba gidennay aybissee?

‘Xoossawu Ubbabay Danddayettees’ (5:19)

Neeni oosuwaara gayttidaagan kuuyiyo wode alamiyaaban gelennaadan waatanaakko qoppa.

‘Asay Ubbay Ba Toohuwaa Tookkanawu Bessees’ (Wochchiyo Keelaa huuphe yohuwaa)

Yihoowawu haggaazennaadan asay nuna ubbaakka digganawu maliyoogee attenna. Nuuni hegaa yayyana koshshii?

1. Nuuni yedetay gakkana giidi naagiyoy aybissee?

Geeshsha Maxaafay, “Kiristtoos Yesuusan Xoossaa milatidi de7anau dosiya ubbai yedetettana” yaagidi qonccissees. (2 Ximootiyoosa 3:12) Yesuusi Seexaanaa alamiyaaban gelibeenna gishshawu, yedetettiis. Nuunikka Seexaanaa alamiyaaban gelenna gishshawu, ha alamiyaa kawotettati woy haymaanoote dirijjiteti nuna yedettiyo wode, maalaalettokko.—Yohaannisa 15:18, 19.

2. Yedetawu giigettanawu waatana danddayiyoo?

Nuuni Yihoowan haꞌꞌi wozanappe ammanettana koshshees. Ubba galla woossanawunne A Qaalaa nabbabanawu wodiyaa bazza. Galchchaa shiiqota ubbatoo shiiqa. Ayba yedetankka, haray atto so asaappe gakkiyaagankka gidin genccanawu, hageeti ubbay neeyyo wolqqaa immoosona. Darotoo yedetay gakkido kiitettida PHawuloosi, “Tana maaddiyagee Yihoowa; taani yayyikke” yaagidi xaafiis.—Ibraawe 13:6.

Ubbatoo mishiraachchuwaa yootiyoogeekka nuna xalissees. Nuuni mishiraachchuwaa yootiyo wode, Yihoowan ammanettiyoogaa tamaaroos, qassi asassi yayyiyoogaa aggoos. (Leemiso 29:25) Neeni mishiraachchuwaa haꞌꞌi xalada yootikko, kawotettay digganawu maliyaakkokka aggennan yootanawu loytta giigettaasa.—1 Tasalonqqe 2:2.

3. Yedetay gakkishin Yihoowawu ammanettidi deꞌiyoogan waani goꞌettiyoo?

Yedetettiyoogee nuna ufayssennaagee tuma, shin nuuni yedetay gakkishin Yihoowawu ammanettikko, nu ammanoy minnees. Yaatiyo wode, Yihoowaara nu dabbotaa minttoos; ayssi giikko, nuuyyo abbee ixxiyo wode I maaddiyoogaa akeekoos. (Yaaqooba 1:2-4 nabbaba.) Yihoowi nuuni waayettiyoogaa beꞌiyo wode azzanikkonne, nuuni hidootaa qanxxennaagaa beꞌidi ufayttees. Geeshsha Maxaafay, “Lo77obaa oottidi waayiyaa intte danddayikko, Xoossai inttena hegau anjjana” yaagees. (1 PHeexiroosa 2:20) Nuuni Yihoowayyo ammanettidi deꞌikko, I ooratta alamiyan nuussi merinaa deꞌuwaa woytuwaa immana. He wode deꞌiya ubbay Yihoowawu haggaaziyo gishshawu, eta eqettana asi baawa.—Maatiyoosa 24:13.

LOYTTA AKEEKA

4. So asay eqettishinkka genccana danddayaasa

Nu so asaappe amaridaageeti nuuni Yihoowawu goynnanaadan koyennan aggana danddayiyoogaa Yesuusi loytti erees. Maatiyoosa 10:34-36 nabbabite; yaatidi ha oyshaa tobbite:

• Issi uri Yihoowawu goynnanawu kuuyiyo wode, eta so asay woygana woy waatana danddayii?

BIIDUWAA: Yihoowi Nuna Ba Soo Ehiis (5:13)

• Ne dabboy woy laggee neeni Yihoowawu haggaazennaadan digganawu malikko waatuutee?

Mazamure 27:10​nne Marqqoosa 10:29, 30 nabbabite. Xiqiseta huuphiyan huuphiyan nabbabidi ha oyshaa tobbite:

• So asi woy laggee neeni Yihoowawu haggaazennaadan digganawu malikko, ha xiqisee nena waati maaddana danddayii?

5. Yedetay gakkishinkka Yihoowawu goynna

BIIDUWAA: Yedetay Gakkishin Xaliyoogaa (6:27)

• Ha biiduwan beꞌido asatu hanotay nena waati minttettii?

Oosuwaa 5:27-29​nne Ibraawe 10:24, 25 nabbabite. Xiqiseta huuphiyan huuphiyan nabbabidi ha oyshaa tobbite:

• Nuuni haggaazennaadan woy shiiquwaa shiiqennaadan kawotettay teqqiyaakkokka, Yihoowawu goynnana koshshiyoy aybissee?

6. Yihoowi neeni ayyo ammanettada deꞌanaadan maaddana

BIIDUWAA: Xoossaa Yihoowi Tana Minttana (3:40)

• Biiduwan beꞌido Yihoowa Markkati genccanaadan maaddidabay aybee?

Roome 8:35, 37-39​nne Piliphphisiyuusa 4:13 nabbabite. Xiqiseta huuphiyan huuphiyan nabbabidi ha oyshaa tobbite:

• Nena ayba paacee gakkikkonne, genccana danddayiyoogaa ammanettanaadan ha xiqisee waati maaddii?

Maatiyoosa 5:10-12 nabbabite; yaatidi ha oyshaa tobbite:

• Yedetay gakkiyaakkokka, neeni ufayttana danddayiyoy aybissee?

AY AKEEKADII?

Yihoowi nuuni yedetay gakkishinkka awu haggaazanawu baaxetiyoogaa nashshees. Yihoowi maaddin, nuuni ayyo ammanettidi deꞌana danddayoos!

Zaaretuwaa

• Kiristtaaneti yedetay gakkana giidi naagiyoy aybissee?

• Neeni yedetay gakkanaappe kasetada giigettanawu ay oottana danddayay?

• Nena ay paacee gakkikkonne Yihoowawu haggaazana danddayiyoogaa neeni ammanettanaadan aybi maaddanee?

PILGGA

Issi yelaga ishay polotikan oossinne exatibeenna gishshawu qashettin Yihoowi A waati maaddidaakko qonccissidoogaa beꞌa.

Yedetay Deꞌishinkka Gencciyoogaa (2:34)

Issi azinaynne machchiyaa asay eqettishin Yihoowayyo ammanettidi daro layttaa haggaazanaadan eta aybi maaddidaakko akeeka.

Hanotati Laamettiyo Wode Yihoowawu Haggaaziyoogaa (7:11)

Neeni yedetay gakkiyo wode waana xalana danddayiyaakko akeeka.

“Yedetawu Haꞌꞌi Giigetta” (Wochchiyo Keelaa, Isiine 2019)

So asay eqettiyoogaa nuuni waati xeellana koshshii, qassi Yihoowawu ammanettiyaageeta gididi etaarakka saro deꞌanawu ay oottana danddayiyoo?

“Tumay ‘Tooraa Eheesippe Attin, Sarotettaa Eheenna’” (Wochchiyo Keelaa, Xiqimita 2017)