-
Xoossaa Ufayssiya Ogiyan Goynnanawu Waatana Danddayiyoo?Merinawu Ufayttada Deꞌa!—Geeshsha Maxaafaa Xannaꞌa
-
-
1. Nu goynuwawu kaaleto gidana koshshiyaabay aybee?
Nu goynuwawu kaaletoy Geeshsha Maxaafaa gidana koshshees. Yesuusi Xoossawu, ‘Ne qaalay tuma’ yaagiis. (Yohaannisa 17:17) Xoossaa Qaalan, Geeshsha Maxaafan deꞌiya tumaa issi issi haymaanooteti kaallokkona. Eti hegaa asa timirttiyaaninne wogan laammidosona. SHin ‘Xoossaa azazuwaa yeggi bayiyaageetun’ Yihoowi ufayttenna. (Marqqoosa 7:9 nabbaba.) Nuuni Geeshsha Maxaafaanne an deꞌiya zoriyaa mintti kaalliyo wode Yihoowa ufayssoos.
-
-
Yihoowa Markkati Tumu Kiristtaanee?Merinawu Ufayttada Deꞌa!—Geeshsha Maxaafaa Xannaꞌa
-
-
1. Yihoowa Markkati ammaniyoobay aybin deꞌii?
Yesuusi ‘Xoossaa qaalay tuma’ yaagiis. (Yohaannisa 17:17) Yesuusaagaadan, Yihoowa Markkati awudekka Xoossaa Qaalan deꞌiyaabaa ammanoosona. Leemisuwawu, Geeshsha Maxaafaa Tamaareta kase geetettiya Yihoowa Markkatu taarikiyaa beꞌa. Geeshsha Maxaafaa tamaareti 1870 heeran Geeshsha Maxaafaa loytti pilggiyoogaa doommidosona. Eti ammaniyoobay woosa keettay tamaarissiyoogaappe dummatikkokka, Geeshsha Maxaafay yootiyoobaa ammanoosona. Yaatidi, eti akeekidobaa haratussi yootiyoogaa doommidosona.a
-