• Yihooway “Ubbabaa” Kase Sohuwawu Zaariyo Wolqqaa
    Yihoowakko SHiiqa

    • 3. Oosuwaa 3:21n qonccida minttettiya hidootay aybee, qassi Yihooway hegaa aybaa baggaara polanee?

      3 SHin, Yihooway kase sohuwawu zaaranawu goꞌettiyo wolqqaabaa tamaariyoogee keehi minttettiyaaba! Nuuni beꞌanaagaadan, saꞌan deꞌiya ba naatuyyo Xoossay kase sohuwawu zaarana danddayiyoobaynne yaatana maalaaliya darobay deꞌees. Yihooway ‘ubbabaa ooraxissanawu’ woy kase sohuwawu zaaranawu halchchidoogaa Geeshsha Maxaafay yootees. (Oosuwaa 3:21) Hegaa polanawu, Yihooway ba Naꞌay Yesuus Kiristtoosi haariyo Mase Kawotettaa goꞌettana. He Kawotettay saluwan 1914n haaruwaa doommidoogaa naqaashay bessees.a (Maatiyoosa 24:3-14) Aybi ooraxxanee? Yihooway kase sohuwawu zaariyo keehi gita oosotuppe amaridaageeta ane beꞌoos. Hegeetuppe issoy ha wodiyan polettiis. Qassi harati sinttappe aahuwan polettana.

  • Yihooway “Ubbabaa” Kase Sohuwawu Zaariyo Wolqqaa
    Yihoowakko SHiiqa

    • a Mase Kawotettay eqqin ammanettida Kawuwaa Daawita laattiyo maatay deꞌiyo uri araatan uttido wode “ubbabai ooraxxiyo wodee” doommiis. Daawita laattiyo maatay deꞌiyoogee merinawu haaranaagaa Yihooway Daawitawu qaalaa geliis. (Mazamure 89:35-37) Gidoppe attin, Baabilooneti 607 K.K. Yerusalaame katamaa xayssi simmin, Daawita zare gidiya ooninne Xoossaa kawotaa araatan uttibeenna. Daawita laattiyo maatay deꞌiyoogaa gididi saꞌan yelettida Yesuusi saluwan kawotaa araatan uttido wode, daro wodiyawu naagido Kawo gidiis.