14. Siiqiyo uri hayqqidoogeeta minttettanawu woygana danddayiyoo?

¹⁴ Keehi kayyottida urawu woyganaakko metootana danddayaasa. SHin Geeshsha Maxaafay, “Aadhdhida eranchchaa inxxarssai pattees” yaagees. (Lee. 12:18) Daroti harata minttettanawu, Intte Siiqiyo Uri Hayqqiyo Wode giyo brooshuriyaappe issi issi qofaa yootoosona.c SHin kayyottiyaageeta maaddanawu neeni oottana danddayiyo waannabay ‘yeekkiyaageetuura yeekkiyoogaa.’ (Roo. 12:15) I azinay hayqqido Gaaba issi issitoo bawu siyettiyaabaa qonccissana danddayiyoy yeekkiyoogaa xallaana gidiyoogaa yootaasu. A, “Ta laggeti tanaara yeekkiyo wode taani minettiyoy hegaassa. Hegaa mala wodiyan kayyottiyay ta xallaa gidennaagaa akeekays” yaagaasu.

20. Yihooway qaalaa gelidobay keehi minttettiyaaba gididoy aybissee?

²⁰ ‘Duufuwan deꞌiyaageeti Kiristtoosa cenggurssaa siyidi duufuwaappe gaxi kiyiyo wode,’ minttetto ubbaa Xoossaa Yihooway azzano ubbaa muleera xayssidi kayyottiyaageeta merinawu minttettanaagaa eriyoogee keehi ufayssiyaaba! (Yoh. 5:28, 29) Xoossay ‘hayquwaa merinawu mittanawu, qassi ayfe ubbaappe afuttaa quccanawu’ qaalaa geliis. (Isi. 25:8) He wode, saꞌan deꞌiya ubbay ‘yeekkiyaageetuura yeekkiyoogaappe ufayttiyaageetuura ufayttana.’—Roo. 12:15.