Yihoowa Siiqiyaageetuura Wodiyaa Aatta

Yihoowa siiqiyaageetuura wodiyaa aattana koshshiyoy aybissee? Nuuni etaara wodiyaa aattiyo asati nu suurebaa woy balabaa oottanaadan minttettana danddayoosona. (Lee 13:20) Leemisuwawu, Kawuwaa Yoꞌaashi Qeese Ubbatu Halaqaa Yoodaaheera wodiyaa aattido wode ubban, ‘Yihoowa sinttan suurebaa’ oottiis. (2Odi 24:2) Yoodaahee hayqqi simmin, Yoꞌaashi iita laggetuura zuppetido gishshawu Yihoowa aggi bayiis.—2Odi 24:17-19.

Koyro xeetu laytta M.Ln, kiitettida PHawuloosi Kiristtaane gubaaꞌiyaa ‘gita keettaara’ qassi gubaaꞌiyaa yarata ‘miishshatuura’ woy so giddo buquratuura geeddarssiis. Nu so asa woy gubaaꞌe yara gidin, Yihoowa ufayssennabaa oottiya uraara nuuni keehi dabbotiyoogaappe naagettiyo wode, ‘bonchcho oosuwawu goꞌettiyo miishsha’ gididi deꞌana. (2Xim 2:20, 21) Hegaa gishshawu, Yihoowa siiqiyaanne awu haggaazanaadan nuna minttettiyaageetuura simi ubbatoo lagge gidoos.

IITA LAGGETUPPE HAAKKA, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Nuuni akeekennan iita asatuura waanidi wodiyaa aattana danddayiyoo?

• Ha biiduwan, heezzu Kiristtaaneti iita laggetettaa agganaadan aybi maaddidee?

• Laggeta akeekan dooranaadan nena maaddana danddayiya Geeshsha Maxaafay yootiyo maaray awugee?