Xoossay Baalaa Waati xeellii?

Yihoowi nuuni nu deꞌuwan ufayttanaadaaninne issi issitoo ubba ufayttiyoobaa giigissanaadan koyees. SHin baalay A ufayssii? Nuuni Yihoowa siiqiyoogaa waati bessana danddayiyoo?

1. Baalay Yihoowa ufayssennay aybissee?

Neeni daro baalati Geeshsha Maxaafay yootiyoobaa phalqqiya woy worddo haymaanootiyaappe yiida qofaara gayttiyoogaa erada garamettennan aggakka. He baalati iita ayyaanaa oosuwaara woy shemppoy hayqqenna giyoogaara gayttidaba gidana danddayoosona. Issi issi baalati malaa woy qaadaa ammaniyoogaara gayttidaageeta. (Isiyaasa 65:11) Yihoowi, “Etappe shaahettite. Tunabaakka bochchoppite” giidi bawu goynniyaageetussi yootiis.—2 Qoronttoosa 6:17.a

2. Yihoowi asay asaa bessenna ogiyan bonchchiyoogaa waati xeellii?

Yihoowi nuuni ‘asan ammanettennaadan’ yootiis. (Ermmaasa 17:5 nabbaba.) Issi issi baalatun haariyaageeti woy ola gadaawati bonchchettoosona. Hara baalatun issi biittay laꞌꞌa kiyido gallassati woy banddiraa mala malaatati bonchchettoosona. (1 Yohaannisa 5:21) Hara baalatun qassi asay polotikaa dirijjiteta woy hara dirijjiteta bonchchees. Yihoowa halchchuwaa phalqqiyaabaa tamaarissiya ura woy dirijjite bessenna ogiyan nu bonchchikko, Yihoowi aybi siyettanee?

3. Asay bonchchiyoobata Xoossay dosennaadan oottiya hanotati aybee?

‘Mattoy, yettay woy maaraa xayida gibiraynne daro ushshaa uyiyoogee’ Geeshsha Maxaafan digettidaba. (1 PHeexiroosa 4:3) Issi issi baalatun asay bana naagennanne pokkobaa oottees. Nuuni Yihoowaara dabbotidi deꞌanawu hegaa mala iitabaappe haakkana koshshees.

LOYTTA AKEEKA

4. Yihoowi dosenna baalata bonchchoppa

Efisoona 5:10 nabbabite; yaatidi ha oyshata tobbite:

• Nuuni issi baalaa bonchchana koshshiyaakkonne kuuyanawu ay shaakki erana bessii?

• Neeni deꞌiyo biittan erettida baalati awugeetee?

• He baalati Yihoowa ufayssoosona gaada qoppay?

Leemisuwawu, Xoossay asay ba yeletaa gallassaa bonchchiyoogaa waati xeelliyaakko qoppa eray? Geeshsha Maxaafay Yihoowawu goynniya uri yeletaa gallassaa bonchchidoogaa yootenna, shin ayyo goynnennaageeti bonchchido, naaꞌꞌu asatu yeletaa gallassaabaa yootees. Doomettaabaa 40:20-22​nne Maatiyoosa 14:6-10 nabbabite. Yaatidi ha oyshata tobbite:

• Ha naaꞌꞌu yeletaa gallassati bonchchettido hanotay issi mala gidiyoy aybiinee?

• Yeletaa gallassaara gayttidaagan Yihoowa qofay aybakko ha naaꞌꞌu taariketuppe ay akeekadii?

Gidoppe attin neeni, ‘Taani yeletaa gallassaa woy Geeshsha Maxaafaara maayenna hara baalaa bonchchin aggin hegee Yihoowa qofissii?’ gaada qoppana danddayaasa. Kessaabaa 32:1-8 nabbabite. Yaatidi, .BIIDUWAA beꞌidi kaallidi deꞌiya oyshata tobbite.

BIIDUWAA: Xoossaa Ufayssenna Baalata (5:07)

• Yihoowa ufayssiyaabaa nuuni shaakki erana koshshiyoy aybissee?

• Hegaa waati shaakki erana danddayiyoo?

Issi baalay Yihoowa ufayssennaagaa aybin erana danddayiyoo?

• Geeshsha Maxaafaara maayenna qofaara gayttidabee? Hegaa akeekanawu, ayyo dendduwaa pilgga.

• Asay he baalan asaa, dirijjiteta woy banddiraa mala malaatata bessenna ogiyan bonchchii? Nuuni aybippenne aaruwan Yihoowa bonchchoos, qassi saꞌaappe metuwaa I qaaranaagaa ammanettoos.

• He baalan meezedan oosettiyaabay Geeshsha Maxaafaa maaraara maayennee? Nuuni kandduwan awudenne geeshsha gidana koshshees.

5. Neeni ammaniyoobaa bonchchanaadan harata maadda

BIIDUWAA: Neeni Ammaniyoobaa Hiillan Yoota (2:01)

Maatiyoosa 7:12 nabbabite; yaatidi ha oyshata tobbite:

• Ha xiqisiyaappe, intte son Yihoowa Markka gidennaageeti baalaa bonchchanaakko agganaakko ooni kuuyana bessiyoogaa akeekadii?

• Intte so asaara neeni baalaa bonchchana xayikkonne, eta siiqiyoogaanne etawu qoppiyoogaa bessanawu ay oottana danddayay?

6. Yihoowi nuuni ufayttanaadan koyees

Yihoowi nuuni nu so asaaranne nu laggetuura ufayssiya wodiyaa aattanaadan koyees. Eranchchaa 8:15 nabbabite; yaatidi ha oyshaa tobbite:

• Yihoowi nuuni ufayttanaadan koyiyoogaa ha xiqisee waati qonccissii?

Yihoowi ba asay ufayttanaadaaninne loꞌꞌo wodiyaa issippe aattanaadan koyees. Daro biittaappe shiiqido shiiqotun hegee waani qonccidaakko akeekanawu, BIIDUWAA beꞌite.

BIIDUWAA: Daro Biittaappe SHiiqido SHiiqotun Imattaa Mokkiyoogaa (5:40)

Galaatiyaa 6:10 nabbabite; yaatidi ha oyshata tobbite:

• Nuuni haratussi “lo77obaa” oottanawu, erettida baalata bonchchana koshshii?

• Nena keehi ufayssanay awugee: Baalaa wode imotaa immana koshshees gaada immiyoogeeyye immanawu koyada immiyoogee?

• Daro Yihoowa Markkati issi issitoo bantta naatussi dummabaa giigissidi, eti qoppennan imotaa immoosona. Neeyyo naati deꞌikko, etawu dummabaa ay oottana danddayay?

AY AKEEKADII?

Nuuni nu so asaaranne nu laggetuura ufayssiya wodiyaa aattanaadan Yihoowi koyees. SHin A ufayssenna baalata nuuni bonchchennaadankka koyees.

Zaaretuwaa

• Issi baalay Yihoowa ufayssennaakkonne shaakki eranawu woygi oychchana danddayiyoo?

• Baalata xeelliyaagan nu kuuyidobaa nu so asaynne nu laggeti akeekanaadan waati maaddana danddayiyoo?

• Yihoowi nuuni ufayttanaadaaninne loꞌꞌo wodiyaa aattanaadan koyiyoogaa neeni eranaadan maaddiyaabay aybee?

PILGGA

Kiristtaaneti bonchchenna baalatuppe amaridaageeta beꞌa.

“Yihoowa Markkati Issi Issi Baalata Bonchchennay Aybissee?” (Nu websaytiyan deꞌiyaaba)

Yeleta gallassaa bonchchiyoogee Xoossaa ufayssennaagaa nuuni ammaniyo oyddu gaasota akeeka.

“Yihoowa Markkati Yeleta Gallassaa Bonchchennay Aybissee?” (Nu websaytiyan deꞌiyaaba)

Harati baalaa bonchchiyo wode Yihoowa siiqiya guutta naꞌiya A waata ufayssidaakko beꞌa.

Yihoowi Nena Keehi Siiqees (11:35)

Keehi daro Kiristtaaneti ufayssa masqqalaa bonchchokkona. Hegan etawu aybi siyettii?

“Eti Aarobaa Demmidosona” (Wochchiyo Keelaa huuphe yohuwaa)