TIMIRTTE 52
Nuuni Maayiyoobaanne Puulattiyoobaa Qoppana Koshshiyoy Aybissee?
Nuuni ubbaykka maayanawunne puulattanawu dosiyoobay deꞌees. Nuuni Geeshsha Maxaafan deꞌiya amarida maarata kaallikko, nu dosiyoobaanne Yihoowa ufayssiyaabaa doorana danddayoos. He maaratuppe amaridaageeta ane beꞌoos.
1. Maayiyoobaanne puulattiyoobaa dooranawu nuna maaddiyaabay aybee?
Nuuni ‘bessiya maayuwaa’ maayananne nuuni ‘Xoossawu yayyiyoogaa’ asay beꞌana mala ubbatoo geeshsha gidana koshshees. (1 Ximootiyoosa 2:9, 10) Ha oyddu yohota qoppa: (1) Nuuni “bessiya maayuwaa” maayana koshshees. Neeni Yihoowa Markkati shiiquwan dumma dumma hanotan maayiyoogaa beꞌennan aggakka. SHin nuuni maayuwaa maayiyoonne huuphiyaa pixiyo hanotay Xoossaa bonchchiyoogaa bessees. (2) Nuuni boolima woy giiga maayuwaa maayana koshshees; hegaa giyoogee, harati iitabaa qoppanaadan woy asay nuna keehi xeellanaadan oottiyaabaa maayana koshshenna giyoogaa. (3) Nuuni akeekanchcha gididi, asay dosiyo faashinyaa ubbaa kaallana koshshenna. (4) Nuuni tumu Xoossawu goynniyoogaa harati akeekana mala, ‘Xoossawu yayyiyoogaa’ nu maayiyoobay awudekka bessana koshshees.—1 Qoronttoosa 10:31.
2. Nuuni maayanabaa dooriyo wode, nu ishatubaanne michchotubaa qoppana koshshiyoy aybissee?
Nuuni maayanawu koyiyoobaa doorana danddayiyoogee tuma. SHin nuuni maayiyooban harati lanccanaakkonne qoppana koshshees. Nuuni ‘nu ishaa maaddanawu, A minttanawunne ufayssanawu’ baaxetoosippe attin, oonanne yiilloyanawu koyokko.—Roome 15:1, 2 nabbaba.
3. Nuuni maayiyo hanotay harati Yihoowabaa eranawu koyanaadan waati oottana danddayii?
Nuuni ubbatoo bessiyaagaadan maayikkonne, galchchaa shiiquwawunne haggaazuwawu maayiyooban keehi naagettoos. Nuuni maayiyoobay nu yootiyo mishiraachchuwaappe asaa qofaa wora zaaranaadan koyokko. SHin nuuni maayiyooban ‘nuna ashshiya Xoossaabaa’ asay loyttidi eranawu koyanaadan, qassi ‘I tamaarissiyoobaa galatissanawu’ koyoos.—Tiitu 2:10.
LOYTTA AKEEKA
Nuuni maayiyoobaynne puulattiyoobay nu Kiristtaane gidiyoogaa harati eranaadan waati maaddiyaakko akeeka.
Nuuni maayiyo maayoy maatay deꞌiyo asata bonchchiyoogaa bessana danddayees. Yihoowi nuuni qoppiyoobaa erikkonne, nu maayiyoobaynne puulattiyoobaykka A bonchchiyoogaa bessana koshshees
4. Nuuni boolima woy giiga maayuwaa maayiyo wode Yihoowa bonchchiyoogaa bessoos
Nuuni nu maayuwaabaa qoppana koshshiyo waanna gaasoy aybee? Mazamure 47:2 nabbabite; yaatidi ha oyshata tobbite:
Nuuni maayiyoobay Yihoowabaa asay qoppiyoobaa laammana danddayiyoogaa hassayidi ay kuuyana koshshii?
Nuuni shiiquwaa shiiqiyo wodenne haggaaziyo wode maayanabaa qoppana koshshii? Aybissi?
5. Maayiyoobaanne puulattiyoobaa dooranawu nena aybi maaddanee?
Nu maayoy alꞌꞌuwan woy hiraysuwan shammidoogaakka gidin, geeshshanne hanotawu giiga gidana koshshees. Koyro Qoronttoosa 10:24nne 1 Ximootiyoosa 2:9, 10 nabbabite. Yaatidi nuuni kaallidi odettida maayuwaa maayanawu koyennay aybissakko tobbite.
Qitattida woy shoraa xayida maayuwaa.
Leemisuwawu, bollaa baqqi oyqqiyo gishshawu, harati iitabaa qoppanaadan oottiya maayuwaa.
Kiristtaaneti Muuse Higgiyaa kaallana koshshenna, shin Yihoowa qofay aybakko eti hegaappe darobaa tamaarana danddayoosona. Zaarettido Wogaa 22:5 nabbabite; yaatidi ha oyshaa tobbite:
Nuuni maayiyoobay woy puulattiyoobay attuma asaa macca woy macca asaa attuma milatissiyaaba gidana koshshennay aybissee?
Koyro Qoronttoosa 10:32, 33nne 1 Yohaannisa 2:15, 16 nabbabite; yaatidi ha oyshata tobbite:
Nuuni maayiyoobay nu heeran woy galchchan deꞌiya issota issota yiilloyanaakkonne qoppana koshshiyoy aybissee?
Neeni deꞌiyo heeran daro asay ay mala hanotan maayiinne puulattii?
Hegeetuppe amaridaageeti Kiristtaanetussi bessokkona gaada qoppay? Aybissi?
Nuuni maayiyoobaynne puulattiyoobay dumma dumma gidikkonne, Yihoowa ufayssana danddayoos
ISSI ISSI ASAY HAGAADAN GEES: “Ta koyidobaa aybanne maayiyoogee ta maata.”
Neeni hegaa maayay? Aybissi?
AY AKEEKADII?
Nuuni maayanawunne puulattanawu loꞌꞌobaa dooriyo wode, Yihoowanne harata bonchchiyoogaa bessoos.
Zaaretuwaa
Nuuni maayiyoobaynne puulattiyoobay Yihoowa qofissiyaaba gidiyoy aybissee?
Nuuni maayanabaa xeelliyaagan kuuyanawu kaallana bessiya amarida maarati awugeetee?
Nuuni maayiyoobaynne puulattiyoobay tumu goynuwaa xeelliyaagan haratu qofaa waati laammana danddayii?
PILGGA
Ne maayuwaa beꞌidi harati nebaa ay qoppana danddayiyaakko akeeka.
Bollan malaataa wottanaappe kasetidi hegee kaalettiyoobaa qoppiyoogee loꞌꞌo gidiyoy aybissakko akeeka.
“Bollan Malaataa Wottiyoogaa Xeelliyaagan Geeshsha Maxaafay Woygii?” (Nu websaytiyan deꞌiyaaba)
Kuuyanabawu nuussi kaaleto gidiya hara maarata akeeka.
“Neeni Maayiyoobay Xoossaa Bonchissii?” (Wochchiyo Keelaa, Masqqala 2016)
Xoossaa ufayssanawu koyida issi maccaasiyaa harati maayiyoobaa xeelliyaagan ba kase qofaa waata laammadee?
“Maayiyoobaynne Puulattiyoobay Tawu Xube Gidiis” (Beegottite! huuphe yohuwaa)