Erissiyo Ashkkara Gidiyoogaa Erissiyaabaa

1. Kiristtaane maaran nu daanau

Azazettiyo higgee deꞌees;

He kawo higgiyaa Xoossay immiis;

Hegan Yesuusadan siiqoos.

Kiristtoosi hegaadan siiqiis;

I ba polo deꞌuwaa yarshshiis.

I mintti kaalliyo loꞌꞌo leemiso;

Nu a kaalliyoogaa qonccissoos.

2. Mule xayenna tumu siiqoy

Wolqqi baynnaageetau kehees.

Ubbatoo eeno gi oottiyoogan,

Siiquwaa acuwaa nu zaarana.

He siiquwaa bessiya laggeta

Harasan mule demmokko.

Hagee nuuni ammanettiyo siiqo;

Siiquwaa kaalliyaageeta gidoos.