Nabbabiyaageetu Oyshaa

Aqo lagge gidenna issi bitaneenne issi maccaasiyaa bessiya gaasoy baynnan qammi issippe aqikko, hegee eti pirdda konttee eqqana bessiyo nagaraa oottidoogawu naqaasha gidii?

Ee, eti bessiya gaasoy baynnan qammi issippe aqidoogee shaaramuxidoogaa bessiya naqaasha. Hegaa gishshawu, bessiya gaasoy baynnaba gidikko, pirdda konttee eqqana bessees.—1 Qor. 6:18.

Pirdda konttee eqqana bessiyaakko bessennaakko cimati hanotaa loytti pilggidi kuuyana bessees. Leemisuwawu: Aqo oyqqibeenna issi bitaneenne issi maccaasiyaa aqo oyqqanawu qoppidi wodiyaa issippe aattiiddi deꞌiyoonaa? Eti issoy issuwaara gayttiyo hanotaa xeelliyaagan etawu kase zoree imettidee? Eti qammi issippe aqanaadan oottidabay aybee? Eti issippe aqanawu kasetidi halchchidonaa? Eti doorana danddayiyo harabi deꞌii, woy eta wolqqappe aadhdhiyaabi, qoppibeenna hanoti woy eti qammi issippe aqanaadan oottiyaabi merettidee? (Era. 9:11) Eti awan zinꞌꞌidonaa? Ubba hanotaykka dumma dumma gidiyo gishshawu, cimati qoppana koshshiyo harabati deꞌana danddayoosona.

ACimati ubba yohuwaa qori simmidi, pirdda konttee eqqanaakko agganaakko kuuyana bessees.