‘Ammanuwan Minnanaadan’ Eta Maaddite

Yihooway anjjin, layttan layttan 250 shaꞌaappe dariya asay xammaqettidi shiiqiiddi deꞌiyoogaa beꞌiyoogee keehippe ufayssiyaaba. (Zaa. 28:2) Issi uri ba xinaatee xammaqetti simmin, a xannaꞌissiyoogaa aggidi harata maaddiyoogaa kaseyana danddayees. Xinaateekka daro wodiyaa haggaazanau koyidi xannaꞌiyoogaa agganau koyana danddayees. Gidoppe attin, Geeshsha Maxaafaa xinaateti tuman minni eqqiyoogee keehippe koshshiyaaba. Eti Kiristtoosan ‘xaphuwaa yeddananne’ ‘ammanuwan minnana’ koshshees. (Qol. 2:6, 7; 2 Xim. 3:12) Yaatiyo gishshau, issi xinaatee xammaqetti simmidi, Geeshsha Maxaafay Tamaarissiyoy giya maxaafaanne “Xoossaa Siiquwan” giya maxaafaa wurssana gakkanaashin xannaꞌana koshshees.—Hosppune 2011 Nu Kawotetta Haggaazuwaa, sinttaa 2 xeella.