Masqqala aginaappe doommidi, asaa haasayissanawu maaddiya, “Tumaa Tamaarissa” giyo huuphe yohoy Deꞌuwaanne Haggaazuwaa Xannaꞌiyo Xuufiyan gujettana. Nu halchoy issi oyshaanne issi xiqisiyaa goꞌettidi akeekanawu metenna ogiyan Geeshsha Maxaafaa tumaa asawu yootiyoogaa gidana.

Haasayissiyo uri siyanawu koyikko, zaarettidi oychiyo wodiyaa yeemotti naaganaadan xuufiyaa imma, woy jw.org saytiyan deꞌiya biiduwaa bessa. Nuuni kase haasayidobaa bolli gujjidi tobbanawu guutta gallassappe guyyiyan zaarettidi oychanawu baaxetana koshshees. Asaa haasayissanawu maaddiya qofaynne tamaaretu kifilee Geeshsha Maxaafay Nuna Ay Tamaarissii? giyo maxaafaa shemppotu zaaretuwan deꞌiya qofaappe giigana. Geeshsha Maxaafaa xallaa goꞌettidi zaaretti oychanawunne xannaꞌissanawu maaddiya hara oyshatanne xiqiseta hegaappe demmana.

Deꞌuwawu efiya ogee issuwaa xalla. (Maa 7:13, 14) Nuuni dumma dumma haymaanootiyaaninne wogan diccida asawu markkattiyo gishshawu, eta ufayssiya ogiyan Geeshsha Maxaafaa tumaa yootana bessees. (1Xim 2:4) Geeshsha Maxaafaa qofaara gayttidaagan dumma dummabaa denttidi asaara haasayiyaageeta, qassi ‘tumatettaa qaalaa suuretettan yootiyoogan’ qara gidikko, kaseegaappe aaruwan ufayttoos; qassi harata tumaa tamaarissiyoogan loꞌꞌo ayfiyaa demmoos.—2Xim 2:15.

Kumetta saꞌan deꞌiya asay minttettuwaa koyees. (Era 4:1) Minttettuwaabaa qonccissiya Wochiyo Keelaa Masqqala aginan asawu immanawu minnidi oottana. Ha maxeetiyaa daro asawu immanawu baaxeta. Nu maxeeteti keehi alꞌꞌo gidiyo gishshawu, asa demmibeenna keettan wottoppa; qassi yootiyoobaa siyanawu koyenna urawu immoppa.

WOYGANA DANDDAYETTII?

“Nuuni ubbay issi issitoo minttettuwaa koyoos. SHin awuppe demmana danddayiyoo? [2 Qoronttoosa 1:3, 4 nabbaba.] Ha Wochiyo Keelay Xoossay nuna hegaadan waati minttettiyaakko qonccissees.”

I hegan ufayttidi maxeetiyaa ekkikko, . . .

GEESHSHA MAXAAFAA XANNAꞌANA KOSHSHIYOY AYBISSEE? GIYO BIIDUWAA BESSA

Geeshsha Maxaafaa xannaꞌanaadan shoobba.

ZAARETTADA OYCHANAWU MAADDIYAABAA OOTTA

Zaaretta gayttiyo wode zaariyo, “Xoossay tuggaa coꞌꞌu giidi xeelliyoy aybissee?” giyaagaa mala oyshaa oycha.