“Nuuni Salettokko”

4:16-18

Moorettida galꞌꞌa pooqiyan deꞌiya naaꞌꞌu keettaa asaa qoppa. Issi keettaa asay hidootaa xayi uttiis. Hara keettaa asaabay garamissees; eti ufayttoosona. Aybissi? Naaꞌꞌantto keettaa asay mata wode loꞌꞌiya ooratta keettaa gelana.

“Mereta ubbai issippe hanno gakkanaassi, maccaasa leessoi oiqqin ooliyoogaadan, sahuwan” ooliyaaba gidikkonne, Xoossaa ashkkaratussi ufayssiya hidootay deꞌees. (Roo 8:22) Ha wodiyan nuna daro layttawu wayssida metotikka gidin, Xoossay ehaana ooratta alamiyan merinawu deꞌiyoogaara geeddarssiyo wode, ‘haꞌꞌissawu gakkiya guuttaba.’ Xoossaa Kawotettay ehaana anjjuwaa tishshi oottidi sinttawu xeelliyoogee hidootaa qanxxennaadaaninne ufayttanaadan nuna maaddees.